भांगरभूंय | प्रतिनिधी
उद्देगीक वसणुके खातीर २०० रु., जाल्यार पंचायत वाठारांतले घरपट्टी खातीर नव्यान दर आकारतले
फोंडें, प्रतिनिधी: उसगांवचे ग्रामसभेंत आयतारा घर पट्टीच्या दरा विशीं चर्चा केली. पंचायत वाठारांत कार्यरत आशिल्ले उद्देगीक वसणुके खातीर २०० रुपया प्रती चौखण मिटर दर दवरपाचो थाराव घेतलो. जाल्यार पंचायत वाठारांतल्या लोकांचे घरपट्टी खातीर नव्यान दर आकारल्या उपरांत तो लागू करपाचो निर्णय घेतले.
ग्रामसभा सरपंच रामनाथ डांगी हांचे अध्यक्षते खाला घेतली. ह्या वेळार सचीव होनाजी मोरजकार, पंच गोविंद फात्रेकार, विनोद मास्कारेन्हास, राजेंद्र नायक आनी हेर पंच वांगडी हजर आशिल्ले.
सरपंच रामनाथ डांगी हांणी पंचायत वाठाराची उदरगत कामां पुराय करपाक उद्देगीक वसणुकां २०० रुपया प्रती चौखण मिटर दर लागू करतले. मात पंचायत वाठारांतल्या लोकांक दर निश्चीत करपाक नव्यान आकारणी करपाक बेगीनूच सुरवात करतले. उपरांत घर पट्टीचो दर निश्चीत करतले अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
