भांगरभूंय | प्रतिनिधी
खेळां आनी युवा वेव्हार खात्यान आयोजीत केल्ले उच्च माध्यमीक आंतर विद्यालयीन विभाग चाराचे बुद्दीबळ सर्तींत कुडचडेंच्या श्रीमती चंद्रभागा उच्च माध्यमीक विद्यालयाच्या पंगडान वस्तादपण मेळयलें. साईश्व देसाय हाच्या फुडारपणा खालच्या पंगडान हे येस मेळयलें. ह्या पंगडांत सोहम फर्जंट, काव्य प्रभुदेसाय, आदेश गुरव, हर्ष नायक हांचो आसपाव आशिल्लो.
ही सर्त विभाग चाराचे खेळां अधिकारी अजीत देसाय हांच्या मार्गदर्शना खाला जाली. चंद्रभागा उच्च माध्यमीक विद्यालयाचे खेळां प्रशिक्षक प्रज्योत रायकार आनी शिक्षिका एरिका फर्नांडीस हांणी विद्यालयाच्या बुद्दीबळ पंगडाक प्रशिक्षण दिल्लें. उच्च माध्यमीक विद्यालयाचे प्राचार्य, शिक्षक तशेंच पालक- शिक्षक हांणी पंगडाक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.