भांगरभूंय | प्रतिनिधी
गोंय- बेळगांव मार्गावेली येरादारी ठप्प
फोंडें, प्रतीनिधी: अनमोड घाटांतल्या दुदसागर देवळा लागसारा सकाळीं घोग्यांनी पडपी पावसाक लागून दोन सुवातांचेर पालसणां कोसळ्ळीं. ताका लागून गोंय- बेळगांव मार्गवेली येरादारी ठप्प जाली. दनपरां मेरेन रस्त्यार कोसळिल्लीं पालसणां कुशीक केलीं. दुदसागर न्हंयेंच्या उदकाची पातळी वाडिल्ल्यान निरंकाल आनी दावकोणचे रस्ते उदका पोंदा गेल्यात. ताका लागून गांवांत जावपी येरादारी पुरायेन ठप्प जाल्या.
अनमोड घांटार बिरेस्तारा सकाळीं पालसणां कोसळिल्ल्यान गोंय – बेळगांव मार्गावेली येरादारी ठप्प जाली. गोंयांत येवपी जायतीं वाहनां पालसणां कोसळिल्ल्यान आडकून उरलीं. घडणुकेची म्हायती मेळ्ळे उपरांत कुळें पुलीस कर्मचारी, उजो पालोवपी दळाचे कर्मचारी, फोंडें येरादारी पुलीस आनी बांदकाम खात्याच्या अभियंत्यांनी वचून मशीनाच्या आदारान पालसणां कुशीक करपाचें काम सुरू केलें. उपरांत २०० मिटराच्या अंतराचेर दुसरे कडेन पालसणां कोसळ्ळीं. दनपरां ३ वरां मेरेन दोनूय सुवातांवेलीं पालसणां कुशीक केलीं. ताचे उपरांत रस्त्यावेली येरादारी सुरू केली.
दुदसागर न्हंयेच्या उदकाची पातळी वाडिल्ल्यान निरंकाल आनी दावकोण गांवांतले रस्ते परत उदका पोंदा गेले. फाटल्या १०-१२ दिसांनी तिसरे खेपे हांगचे रस्ते उदका पोंदाक गेल्यात. फोंडेंच्या पुलीस स्टेशना लागसारा मावंट कार्मेल चर्चीच्या रस्त्या कुशीक आशिल्ले वणटीचो भाग बिरेस्तारा फांतोडेर कोसळ्ळो. कोणे-फर्मागुडी हांगच्या राष्ट्रीय म्हामार्गार झाड कोसळिल्ल्यान सुम
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
