भांगरभूंय | प्रतिनिधी
पणजी : रस्ताद सुण्यांचे सुचवणेचेर बुधवारा सभाघरांत बरीच चर्चा जाल्ली. ताचेर जाप दितना रस्ताद सुण्यांची समस्या सोडोवपा विशीं फुडले दोन ते तीन म्हयन्यांनी नवें धोरण हाडपाची हमीय मुख्यमंत्री डॉ. प्रमोद सावंत हांणी दिल्ली. हेच विशीं आयज आमदार विजय सरदेसाय हांणी रस्ताद सुण्यां विशीं सरकारान वर्सभर पयलींच धोरण जाहीर केलां. मात तें चालीक लागूंक ना. हे विशीं पशुपालन आनी पशुसंवर्धन खात्याच्या अधिकार्यांचेर कारवाय जावपाची गरज आसा, अशी मागणी तांणी सभाघरांत केली.
रस्ताद सुण्यांची समस्या सोडोवपा विशीं नवें धोरण हाडपाचेर बिरेस्तारा सकाळीं प्रस्नोत्तरीचो वेळ सुरू जावचे पयलीं आमदार सरदेसाय हांणी परत हो विशेय हाडलो. रस्ताद सुण्यां विशीं बुधवारा सभाघरांत दोन वरां चर्चा केली. तातूंत मुख्यमंत्र्यांनी नवें धोरण हाडपाचेर हमी दिली. मात, ६ जुलय २०२३ दिसा सरकारन हे विशीं धोरण जाहीर केल्लें. मात तें चालीक लावपाक सरकारी अधिकारी अपेशी थारले. ताका लागून सरकारान ह्याा अधिकार्यांचेर कारवाय करपाक जाय, अशी मागणी आमदार सरदेसाय हांणी केली.
हाका जाप दितना, आदल्या धोरणांत सरकार गरजेचे बदल करतलें अशी म्हायती डॉ. सावंत हांणी सभाघरांत दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
