भांगरभूंय | प्रतिनिधी
उपनिरिक्षक लक्ष्मण देसाय जखमी
पेडणें: राष्ट्रीय म्हामार्ग महाखाजन धारगळे पेडणें पुलीस स्टेशनाचे उपनिरिक्षक लक्ष्मण देसाय हांकां मंगळारा रातीं उसरां अपघात जाल्ल्यान गंभीर जखमी जाले.
पेडणें पुलीस स्टेशनाचे उपनिरिक्षक देसाय हे आपल्या दुचाकी वेल्यान वता आसतना महाखाजन हांगा पालसण कोसळिल्ल्यान येरादारी एके वटेनच्या मार्गान घुंवडायिल्ल्यान हो अपघात जालो. गतीन आयिल्ले आर्टिका मोटारीचो धपको बशिल्ल्यान लक्ष्मण देसाय गंभीर जखमी जाले. तांकां उपचारा खातीर हॉस्पिटलांत दाखल केल्यात.
पेडणें पुलीस स्टेशनाचे उपअधिक्षक जिवबा दळवी तशेंच पुलीस निरिक्षक सचीन लोकरे हांणी हॉस्पिटलांत वचून तांची विचारपूस केली. ह्या अपघाताक कारण थारिल्ल्या वाहन चालकाचेर गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
