भांगरभूंय | प्रतिनिधी
फोंडें, प्रतिनिधी: म्हाड्डोळ पुलिसांनी कुंडयच्यान चोरून व्हेल्ले दुचाकी प्रकरणांत अनिकेत ऍंथोनी परेरा (२०) आनी रितेश ऍंथोनी परेरा (२१, मावजोवाडो – कुंडय) ह्या दोगां भावांक आयज सकाळीं अटक केली. फाटल्या शेनवारा दुचाकी चोरी केल्या उपरांत पुलिशेंत अनवळख्या आड गुन्यांव नोंद केल्लो.
मेळिल्ले म्हायती प्रमाण, कुंडयच्या विश्वनाथ गावडे हांणी १३ जुलयाक दनपरां जीए- ०५- एन – २२४२ क्रमांकाची दुचाकी मल्लिकार्जुन देवळा कडेन दवरिल्ली. ते रातीं उसरां दुचाकी गायब जाल्ल्याचें कळटांच तांणी पुलीस स्टेशनांत कागाळ केल्ली. पुलिसांनी तपास करून मंगळारा सकाळीं दोगा दुबावीत भावांक अटक केली. निरीक्षक योगेश सावंत हांच्या मार्गदर्शना खाला उपनिरीक्षक अभिलाष नायक हांणी हे विशीं कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
