भांगरभूंय | प्रतिनिधी
उदकास्रोत खात्यान लायला सादुरकायेचो तकटो
भांगरभूंय । प्रतिनिधी
दिवचलः आमठाणें धरण पुराय भरिल्ल्यान पावसाळी पर्यटकांक आकर्शीत करता. पूण ह्या धरणांत खूब प्रमाणांत मानगीं आसात. ताका लागून कोणेच उदकांत देंवचें न्हय, अशे तरेची सुचोवणी दिवपी सादुरकायेचो तकटो उदकास्रोत खात्या वतीन धरण वाठारांत लायला.
हे आदीं धरण वाठारांत मानग्यांच्या हल्ल्यांत दोगांचो जीव गेला. ताका लागून लोकांनी खुबूच सादुरकाय बाळगुपाची गरज आसा. कोणेंच उदकांत देंवचें न्हय, आपलो जीव सुरक्षीत दवरचो, अशें उदकास्रोत खात्यान कळयलां. ह्या धरणार चड करून शेनवारा आनी आयतारा तशेंच पावसाळ्यांत चडश्या सगळ्याच दिसांनी लोक पर्यटनाक येतात. कांय जाण थंय बसून खातात- पियेतात. कांय जाण धरणाच्या उदकांत देंवतात. ह्या धरणांत मानगीं आशिल्ल्यान हें सगळें जिवार येवं येता. हे खातीर सादुरकाय घेवपाची सुचोवणी करपी तकटे उदकास्रोत खात्यान लायल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
