भांगरभूंय | प्रतिनिधी
राजस्थान, खबरां संस्था ः राजस्थानाच्या नीम का थाना जिल्ह्यांतलो नया बास गांव, चोरी आनी लुटमार खातीर फामाद आशिल्लो, आतां होच गांव अधिकारी गांव म्हणून फामाद जाला. 800 घरां आशिल्ल्या ह्या गांवांत 500 परस चड सरकारी अधिकारी, 15 आयएएस सयत 25 नागरी सेवक आसात. 4 दशकांत गांवांतले 1600 परस चड लोक सरकारी कर्मचारी जाले. हें सगळें शिक्षणा खातीर शक्य जालें.
आयची परिस्थिती: पालक रीण घेवन भुरग्यांक शिकयतात
1972 वर्साचे घडणुके उपरांत गांवांत एक नवो अध्याय सुरू जालो. गांवांतले सुमार चार तरणाटे सैन्य, पुलीस आनी उण्या पांवड्यावेल्या सरकारी नोकऱ्यांनी गेले. तांतूत आयबीचे उपनिरिक्षक केएल मीणाय आशिल्ले. गांवांतल्या सगळ्यां कडेन पुलिसांनी वायट वागणूक केली. हाचे उपरांत मीणा हांणी परिक्षेची तयारी केली आनी पयल्याच यत्नांत तो आयएएस जालो. हेर तरणाट्यांकय ताणें वाट दाखयली. आतां पालक रीण घेवन भुरग्यांक शिक्षणाक परदेशांत धाडटात.
आदलें चित्र: गांवभर चोरी, लुटमार, बेकायदेशीर सोऱ्याचो वेवसाय
29 जून 1972 दिसा 5 हजार पुलीस नया बास गांवांत पावले. तांणी गांवाक सगळ्या वटांनी वेढो घालो. ही कारवाय तेन्नाचे सीएम बरकतुल्ला खान आनी गृहमंत्री कमला बेनीवाल हांच्या फुडारपणाखाल जाल्ली. हाचेवयल्यान परिस्थितीची गंभीरताय दिसून येता. कांय कुटुंबां सोडल्यार सगळो गांव चोरी, लुटमार, गूंडागिरी, बेकायदेशीर सोरो आदी वेवसायांत आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
