भांगरभूंय | प्रतिनिधी
भांगरभूंय । प्रतिनिधी
पणजीः विधानसभा वेंचणुके उपरांत आयच्यान सुरू जावपी पावसाळी अधिवेशन हें ह्या विधानसभा कार्यकाळांतलें दुसरें व्हड (चड दीस चलपी) अधिवेशन आसा. पोरूंचें पावसाळी अधिवेशन लेगीत 18 दिसांचेंच जाल्लें. फाटल्या (2017 ते 2022) विधानसभा कार्यकाळा परस सध्याच्या कार्यकाळांत (2022 उपरांत) पयल्या दोन वर्सांत तरी चड दीस कामकाज जालां.
अधिवेशनाचो कालावधी दिसान दीस उणो जायत आसा, असो हुस्को खूब जाण उक्तायतात. कांय आडवाद सोडीत जाल्यार फाटल्या 5 वर्सांत चार ते पांच दिसांचेंच अधिवेशन जालां. पोरूंच्या पावसाळी अधिवेशना उपरांत अंदूंचें पावसाळी अधिवेशन 18 दिसांचें जाता. हाचे पयलींच्या कार्यकाळांत जाल्यार 2019 त 20 दिसांचें पावसाळी अधिवेशन जाल्लें. अंदूंच्या कार्यकाळांत 18 दिसां वयर अधिवेशन जावंक ना.
विधानसभेच्या फाटल्या कार्यकाळांत (2017 ते 2022) वट्ट 85 दिसांचें विधानसभा कामकाज जालें. 2019 चें पावसाळी अधिवेशन (15 जुलय ते 9 ऑगस्ट) सगल्यांत चड म्हणल्यार 20 दिसांचें आशिल्लें. कोविडाक लागून 2020 आनी 2021 वर्सा चड दिसांचें अधिवेशन जावंक ना. सध्याचे विधानसभेंत (2022 उपरांत) आतां मेरेन 45 दिसांचें कामकाज जालां. हातूंत आतां जावपी अधिवेशनाच्या दिसांचो आस्पाव ना. एकंदरीत प्रमाणाचो विचार केरीत जाल्यार अंदूंच्या कार्यकाळांत विधानसभा कामकाजाचें प्रमाण चड आसा.
सध्याच्या आठव्या विधानसभा कार्यकाळांतलीं अधिवेशनां (2022 वेंचणुके उपरांत)
पयलें अधिवेशन – 3 दीस – 15, 29 आनी 30 मार्च 2022
दुसरें अधिवेशन – 10 दीस – 11 ते 22 जुलय 2022
तिसरें अधिवेशन – 4 दीस – 16 ते 19 जानेवारी 2023
चौथें अधिवेशन – 4 दीस – 27 ते 31 मार्च 2023
पांचवें अधिवेशन – 18 दीस – 18 जुलय ते 10 ऑगस्ट 2023
सवें अधिवेशन – 6 दीस – 2 ते 10 फेब्रुवारी 2023
सातवें अधिवेशन (आयज सुरू) – 18 दीस – 15 जुलय ते 7 ऑगस्ट 2024
फाटल्या सात विधानसभा कार्यकाळांतलीं अधिवेशनां (2017 ते 2022 मेरेन)
पयलें अधिवेशन – 4 दीस – 16 ते 21 मार्च 2017
दुसरें अधिवेशन – 1 दीस – 9 मे 2017
तिसरें अधिवेशन – 15 दीस – 18 जुलय ते 7 ऑगस्ट 2017
चौथें अधिवेशन – 4 दीस – 13 ते 18 डिसेंबर 2017
पांचवें अधिवेशन – 4 दीस – 19 ते 22 फेब्रुवारी 2018
सवें अधिवेशन – 12 दीस – 19 जुलय ते 3 ऑगस्ट 2018
सातवें अधिवेशन – 3 दीस – 29 ते 31 जानेवारी 2019
आठवें अधिवेशन – 1 दीस – 20 मार्च 2019
णववें अधिवेशन – 1 दीस – 4 जून 2019
धावें अधिवेशन – 20 दीस – 15 जुलय ते 9 ऑगस्ट 2019
इकरावें अधिवेशन – 6 दीस – 7 जानेवारी उपरांत 3 ते 6 फेब्रुवारी 2020
बारावें अधिवेशन – 1 दीस – 27 जुलय 2020
तेरावें अधिवेशन – 4 दीस – 25 ते 29 जानेवारी 2021
चौदावें अधिवेशन – 4 दीस – 24 ते 30 मार्च 2021
पंदरावें अधिवेशन – 3 दीस – 28 ते 30 जुलय 2021 सोळावें अधिवेशन – 2 दीस – 18 ते 19 ऑक्टोबर 2021
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
