भांगरभूंय | प्रतिनिधी
पणजी, प्रतिनिधी: वर्स सोंपच्या वेळार जावपी सनबर्न महोत्सव अंदू दक्षीण गोंयांत जातलो, अशें आयोजकांनी जाहीर केलां जरी आसलें तरी सरकारा कडेन अशे तरेचो प्रस्ताव पावूंक ना. सनबर्न महोत्सवाक आजून मेरेन सरकारान मान्यताय दिवंक ना, अशें कळटा.
अंदूं उत्तर गोंयांत न्हय जाल्यार दक्षीण गोंयांत महोत्सव आयोजीत करपाची घोशणा आयोजक कंपनीन केले उपरांत खर विरोध जावपाक लागला. कॉंग्रेसी सयत आम आदमी पक्षाच्या आमदारांनी महोत्सव दक्षिणेंत आयोजीत करपाक विरोध केला. कोविडाचीं दोन वर्सां सोडलीं जाल्यार फाटलीं कितलींशींच वर्सां राज्यांत वागतोर हांगा सनबर्न महोत्सव जाता. सुरवातेक वागातोरय सनबर्न महोत्सवाक विरोध जातालो. सनबर्न महोत्सवाक लागून राज्याक भेट दिवपी पर्यटकांचो आंकडो वाडटा. हॉटेल, रेस्टोरंटां, टेक्सी वेवसायीक हांचो वेवसाय चलता. पर्यटनाक उर्बा मेळपाच्या हेतान सरकार सनबर्न सारक्या महोत्सवाक मान्यताय दिता.
सरकारा कडेन प्रस्ताव आयलो काय सगळ्या गजालींचो पुराय विचार करून निर्णय सरकार घेतलें. सनबर्न अंदूं दक्षीण गोंयांत आयोजीत करपा विशी सरकारी मळाचेर निर्णय जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
