भांगरभूंय | प्रतिनिधी
नवी दिल्ली, खबरां संस्था ः संवसारांतली दुसरी व्हडली अर्थवेवस्था जावपाक भारताक 2048 मेरेन वाट पळोवची गरज ना, 2031 वर्सा मेरेन देशाक ही कामगिरी करपाक मेळटली. तेच बरोबर 2060 मेरेन देशाक संवसारांतली सगळ्यांत व्हडली अर्थवेवस्था जावपाची तांक आसा. भारतीय रिझर्व्ह बँकेचे डेप्युटी गव्हर्नर मायकेल पात्रा हांणी 9 जुलयाक लाल बहादुर शास्त्री नॅशनल अॅकॅडमी ऑफ एडमिनिस्ट्रेशनांत दिल्ल्या भाशणांत ही म्हायती दिल्या.
भारत वर्साक 9.6% अर्थीक वाडी सयत विकसीत देश जावंक शकता
फुडल्या धा वर्सांत भारताची अर्थवेवस्था वर्साक 9.6 टक्क्यांनी वाडली जाल्यार निम्न मध्यमवर्गीय लोक उत्पन्नाच्या सापळ्यांतल्यान भायर सरून विकसीत देश जावंक शकता अशें पात्रा हांणी सांगलें. दरडोई उत्पन्नाचेरूय ताचो परिणाम दिसपाक जाय. भारतीय रुपयाचें आंतरराश्ट्रीयीकरण करपा खातीर मॅक्रो इकॉनॉमिक पॉलिसी आनी अर्थीक स्थिरताय सकारात्मक मार्गाचेर आसा.
भारताचो चलनवाडीचो दर संवसारीक चलनवाडीच्या दरा प्रमाण हाडपाची गरज आसा. जाका लागून रुपयाचें अंतर्गत आनी भायलें मोल तिगून दवरपाक मेळटलें. हाका लागून रुपयाचें आंतरराश्ट्रीयीकरणाची वाट मेकळी जातली आनी फुडाराक भारत संवसारीक अर्थीक शक्त केंद्र म्हणून वयर सरतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
