भांगरभूंय | प्रतिनिधी
खबरां संस्था ः अमेरिकेंतल्या ग्लेशियर नॅशनल पार्कांतल्या तळ्यांत 26 वर्सां पिरायेच्या भारतीय तरणाट्याक बुडून मरण आयलें. सिद्धांत पाटील अशें ताचें नांव. सिद्धान्त हो मुळ महाराष्ट्रांतलो आनी सध्या अमेरिकेंतल्या सन जॉस शारांत रावतालो. थंय तो एके कंपनींत अभियंतो म्हणून काम करतालो. 6 जुलयाक तो आपल्या कांय इश्टां वांगडा सुटी मनोवपाक ग्लेशियर नॅशनल पार्कांत गेलो. त्या वेळार तो एका तळ्यांत पडलो.
मजगतीं, सिद्धांन्ताची कूड सोदपा खातीर सोद कारवाय सुरू आसा अशी म्हायती ग्लेशियर नॅशनल पार्काच्या अधिकाऱ्यांनी दिली.
सिद्धांताच्या इश्टांनी दिल्ले म्हायती प्रमाण, तळ्यात कोसळ्ळ्या उपरांत कांय मिण्टांनी तांणे तकली भायर काडली. पूण ते उपरांत परतून उदकाच्या प्रवाहाक लागून तो व्हांवून गेलो. सिद्धांत उबो आशिल्लो, तेन्ना ताचो पांय फातरां वयल्यान सरकलो काय ताचो तोल गेलो तें अजून स्पश्ट जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
