भांगरभूंय | प्रतिनिधी
सध्याचो वस्ताद स्पेनाचो 21 वर्सां पिरायेच्या कार्लोस अल्काराजान सेगीत दुसरे खेपे विम्बल्डनाचे फायनलींत सुवात मेळयली. संवसारीक क्रमवारींत तिसरे सुवातेर आशिल्ल्या अल्काराजान हांगाच्या सेंटर कोर्टाचेर जाल्ले सेमी फायनलींत संवसारीक क्रमवारींत पांचवे सुवातेर आशिल्ल्या डॅनिएल मेदवेदेवाक हारयलो. सुमार तीन वरां मेरेन चलिल्ले मॅचींत अल्काराजान 6-7, 6-3, 6-4 आनी 6-4 फरकान जैत जोडलें.
अल्काराजाची सुरवात बरी जाली ना, ताणें पयलो सेट 6-7 फरकान व्हगडायलो, पूण तरी आसतना अल्कराजान जबरदस्त खेळ केलो आनी सेगीत दुसरे खेपे फायनलींत सुवात मेळयली.
अल्काराजा आतां दुसरे सेमी फायनलींत जैत जोडपी खेळगड्या आड खेळटलो. दुसरी सेमी फायनल नोवाक जोकोवीच आनी लॉरेंजो मुसेट्टी हांचे मदीं जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
