भांगरभूंय | प्रतिनिधी
पणजीः सनबर्न ह्या आशियांतल्या मुखेल इलॅक्ट्रॉनीक डान्स म्युझिक (ईडीएम) फेस्टिवला वतीन तांच्या 18 व्या पर्वाच्या वर्सुकी संगीत महोत्सवाची ‘सनबर्न गोंय 2024’ ची घोशणा केल्या. 28 ते 30 डिसेंबर हे तीन दीस दक्षीण गोंयांत हो महोत्सव घडोवन हाडटात. हांतूत प्रेक्षकांक संगीत, फॅशन, जेवण आनी संस्कृतायेचो आस्वाद घेवंक मेळटलो.
अंदूं सनबर्न गोंय 2024 फेस्टिवलाची थीम म्हळ्यार, ‘संगीता सयत उदकापोंदाच्या संवसारांतली भोंवडी’ आनी हेंच अंदूंच्या सनबर्नचे आकर्शण थारतलें. हांतूत बऱ्यो सुविधा वांगडाच सैमीक दृश्यां आनी संवसारभरांतल्या संगीताची आवड आशिल्ल्या लोकां खातीर ही योग्य संद आसतली. हाचे वांगडाच ह्या महोत्सवाक परत एक फावट कॅम्पसायट आसतली, देखून लोकांक महोत्सवाच्या मैदानाचेर कॅम्पिंग करपाक मेळटलें आनी समान विचारांच्या लोकां वांगडा संगीता सयत जायत्या गजालींचो आस्वाद घेवंक मेळटलो.
गोंयांतल्या आमच्या समाजाक दीर्घकाळ घराची सुविधा दिवपाचो आनी तरणाट्यां मदीं पर्यावरणाची जापसालदारकी निर्माण करपाच्या हेतान सनबर्नान हरीत उपक्रम सुरू करुन ‘लीव्ह नो ट्रेस’ मोहीम सुरू केल्या. ‘रिसायकल, रियुज अँड रिस्टोर’ हें तत्व वापरून ही मोहीम संगीत आनी पर्यावरणाचो चड आनंद घेवपाक प्रोत्साहन दितली, अशी आस्त आयोजकांनी उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
