भांगरभूंय | प्रतिनिधी
काठमांडू, खबरां संस्था: नेपाळांत पालसणां कोसळिल्ल्यान दोन बशी न्हंयेंत व्हांवून गेल्यो. ह्या दोनूय बशींनी ड्रायव्हरा सयत सुमार ६३ प्रवासी आशिल्ले. आयज फांतोडेर सुमार साडेतीन वरांचेर हो अपघात जालो. आमी घडणुके सुवातेर आसात आनी सोद कारवाय चालू आसा अशें चितवनचे जिल्लोधिकारी इंद्रदेव यादव हांणी सांगलें.
सेगीत पावस पडिल्ल्यान मदतकार्यांत आडमेळीं येवपाक लागल्यांत. त्रिशुली न्हंयेंत ह्यो बशी व्हांवून गेल्यो. दोनूय बशी काठमांडू वचपाक भायर सरिल्ल्यो. पालसणां पडटकच ताचे वांगडा एन्जल आनी गणपती डिलक्स ह्या दोनूय बसी न्हंयेंत वचून पडल्यो. एके बशींत २४ आनी दुसरे बशींत ४१ प्रवासी आशिल्ले. गणपती डिलक्स बशींतले तीन प्रवासी जनेलांतल्यान उडी मारिल्ल्यान वाटवले.
पावस, हुंवार आनी पालसणां कोसळिल्ल्यान नेपाळांत मालमत्तेचें व्हड लुकसाण जालां. नेपाळचे प्रधानमंत्री पुष्प कमल दहल हांणी ट्विट करून ह्या अपघाताचेर दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
