भांगरभूंय | प्रतिनिधी
पेडणें : गोवा मायल्स आनी थळाव्या टॅक्सी चालकां मजगतीं भाड्याच्या दरा वयल्यान वाद जालो. आमदार प्रवीण आर्लेकर हांच्या पेडणेंच्या घरा भायर जाल्ल्या वादा उपरांत बरोच बोवाळ जालो. ह्या वेळार गोवा मायल्सान भाड्याचें थारायिल्लें मोल पाळचें अशी मागणी टॅक्सी चालकांनी केली.
मजगतीं, आमदार प्रवीण आर्लेकार हांणी मदीं पडून गोवा मायल्स आनी थळाव्या टॅक्सी चालकां मजगतचें केस्तांव मिटोवपाचो यत्न केलो.
ह्या वेळार पर्यटन पट्ट्यांतले टुरिस्ट टॅक्सी ऑपरेटर आनी अॅप- आधारित एग्रीगेटर हांचे मदीं मतभेद वाडतूच आसात. तेन्ना ट्रॅव्हल अँड टुरिझम असोसिएशन ऑफ गोवान उत्तर गोंयच्या हॉटेलांचेर आशिल्लें राजकी चेंपण सोंपोवपाची मागणी केली.
असोसिएशनाचे अध्यक्ष जॅक सुखिजा हांणी कालूच आरोप करतना, उत्तर गोंयचीं कांय हॉटेलां राजकी चेंपणा खाला आसात, असो आरोप केल्लो. ते ह्या वाठारांत कार्यरत अॅप- आदारित टॅक्सींक सहकार्य करिनात. लोकसभा वेंचणुके उपरांत फाटल्या कांय सप्तकांनी अशी प्रकरणां वाडल्यांत, अशेंय तांणी सांगलें.
मजगतीं, ट्रॅव्हल अँड टुरिझम असोसिएशन ऑफ गोवान ही समस्या सोडोवपाक मुख्यमंत्र्यांच्या हस्तक्षेपाची मागणी करून एका दिसा उपरांत गोवा मायल्स आनी थळाव्या टॅक्सी ऑपरेटर्सां मदीं वाद जालो.
(अपडेट जाल्ली पुराय बातमी फाल्यां शुक्रारच्या भांगरभूंय दिसाळ्यांत वाच्ची.)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
