भांगरभूंय | प्रतिनिधी
सकाळीं पुश्टीक खाणां खाल्यार आमची कूड निरोगी उरता. एक म्हयनो सेगीत सकाळीं रिकाम्या पोटाचेर तुळशीचें उदक पियेल्यार ताचे खूब फायदे आसात. हाका लागून आमची रोगप्रतिकार शक्त वाडटाच तशेंच पचनक्रिया सुदारपाकय मजत जाता. हाचो नेमान सेवन केल्यार कुडींतल्या जायत्या समस्यांपसून सुटका मेळटा.
१. डिटॉक्स
दर दिसा सकाळीं तुळशीचीं पानां, कणसां घालून १ पेलो उदक पियेल्यार कूड पुरायपणान निवळ जातली. तांतूतले अँटीऑक्सिडेंट गुणधर्म तुमच्या कुडीक डिटॉक्स करपाचें काम करतात. देखून काती संबंदीत समस्यांनी तुलसी उदक खूब फायदेशीर आसता.
२. पचनक्रिया सुदारता
आमच्या कुडींतल्या पचनाच्या समस्यांचेर तुळशीचें उदक हो एक बरो उपाय. तें पियेल्यार ॲसिडिटी उणी जाता. जाका लागून पचन बरे जाता. जर तुमकां गॅस आनी दाह सारकिल्या समस्यांचो त्रास जाता जाल्यार तुलसी उदक तुमकां खूब फायदेशीर थारूंक शकता.
३. रोगप्रतिकार शक्त घट जातली
तुळशींतले अँटी- बॅक्टेरियल आनी अँटी- ऑक्सिडंट गुणधर्म तुमची रोगप्रतिकार शक्त वाडोवपाचें काम करतात. हाच्या मजतीन आमी हंगामी फ्लू सारकिल्या समस्यांक सहजपणान टाळूं शकता. खास करुन बदलत्या हवामानांत कांय दीस तुलसी उदक पियेवचें.
४. ताण उणो जातलो
आयज बदलपी जिणे पद्दतीक लागून ताण आमच्या जिविताचो एक भाग जावपाक लागला. तुळशी पानांतल्या अँटी-डिप्रेसंट गुणधर्मांक लागून तुमचो ताण उणो जावंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
