भांगरभूंय | प्रतिनिधी
हैदराबाद, खबरां संस्था: सिव्हील सेवेच्या इतिहासांत एक विचीत्र केस घडल्या. आतां आयआरएसचे एके बायल अधिकार्याक दादलो अधिकारी म्हणून वागयतले. केंद्रीय उत्पादन तशेंच शीम शुल्क बोर्ड, महसूल विभागान मंगळारा ह्या निर्णयाक मंजुरी दिल्या. संबंदीत बायल अधिकार्याचें नांव मिस एम.अनुसूया आशिल्लें तें आतां एम. अनुकथिर सूर्या जातलें.
महिला आरआरएस अधिकारी एम. अनुसुया हैदराबादच्या क्षेत्रीय सेंट्रल एक्सायज कस्टम एक्सायज आनी सर्व्हीस टॅक्स अपिलीय न्यायाधिकरणांत जॉयंट कमिशनर म्हणून तैनात आशिल्ली. मिस अनुसूया हिणें तिचें नांव एम. अनुकथिर सूर्या आनी लिंग बायलेच्या जाग्यार दादलो करपाची मागणी केल्ली. विभागान तिची ही मागणी मान्य केल्या. आतां ती दादलो अधिकारी म्हणून वळखतली.
केंद्रीय प्रत्यक्ष कर आनी सीमा शुल्क बोर्ड, राजस्व विभागान हो आदेश जारी केला.
एम. अनुकाथिर सूर्या हांणी मद्रास इन्स्टीट्यूट ऑफ टेक्नॉलॉजी हांगच्यान इलेक्ट्रॉनिक्स आनी संचारांत स्नातकची डिग्री घेतल्या. तांणी वर्स २०२३ त भोपाळांत नॅशनल लॉ इन्स्टीट्यूट युनिव्हर्सिटी हांगच्यान सायबर लॉ आनी सायबर फोरेन्सिकांत पीजी डिप्लोमाय केला.
सर्वोच्च न्यायालयान १५ एप्रिल २०१४ दिसा भारतांत तृतीय लिंगी मनशांक परवानगी दिल्या. लिंग वळख एक व्यक्तिगत निर्णय. मागीर कोणें सर्जरी केल्ली आसूं वा ना. ओडिशांत एका दादलो कमर्शियल टॅक्स ऑफीसरान ओडिशा फायनान्सियल सर्व्हीसांत नोकरेक लागले उपरांत पांच वर्सां उपरांत २०१५त आपलें लिंग परिवर्तन करुन बायल अधिकारी जावपाचो निर्णय घेतिल्लो. तेन्ना सरकारान मंजूरी दिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
