भांगरभूंय | प्रतिनिधी
म्हापशें: लोकसेवा हीच देवाची सेवा हें वाक्य आशिल्ल्या जॉगर्स सोशल असोसिएशनान (जेएसए) समाजीक भावनेंतल्यान पेडें सरकारी मुळावे शाळेक सामको गरजेचो आशिल्लो प्रिंटर भेटयलो. हो उपक्रम थळाव्या शिक्षणीक मुळाव्या सुविधांक तेंको दिवपाच्या उद्देशान आनी शिक्षणीक उत्कृश्टतायेक चालना दिवपा खातीरचें एक म्हत्वपूर्ण पावल आसा.
ह्या वेळार मुखेल सोयरे म्हूण थळावे नगरसेवक विकास आरोलकार, असोसिएशनाचे अध्यक्ष दिगंबर हरमलकार आनी मुख्याध्यापिका स्नेहल म्हालकार हाजीर आशिल्ल्यो.
नगरसेवक विकास आरोलकार हांणी म्हणलें, ल्हान विद्यार्थ्यां खातीर शिक्षणीक संशोधन उपेगी आसतात अशें सांगून असोसिएशनाच्या उपक्रमा विशीं तांचे आरोलकार हांणी तोखणाय केली.
असोसिएशनाचे अध्यक्ष दिगंबर हरमलकार हांणी म्हणलें, आमी समाजाक परतून दिवपाचेर आनी शिक्षणा वरवीं फुडारांतल्या पिळग्यांक घटमूट करपाचेर विस्वास दवरतात. प्रिंटरा सारकें गरजेचें साधन उपलब्ध करून दिवन आमी सरकारी मुळावे शाळेंतल्या शिक्षणीक वातावरणांत सकारात्मक योगदान दिवपाचो यत्न करीत आसात अशें तांणी सांगलें.
मुख्याध्यापिका स्नेहल हरमलकार हांणी जॉगर्स सोशल असोसिएशनाचे उपकार मानले.
प्रिंटरा सयत विद्यार्थ्यांक शालेय वस्तू आनी खावपाच्या पदार्थांचे वितरण केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
