भांगरभूंय | प्रतिनिधी
सुरत, खबरां संस्था: आधार कार्ड हो भारतांतल्या नागरिकां खातीर म्हत्वाचो सरकारी दस्तावेज. जायत्या सरकारी येवजण्यां खातीरय तें गरजेचें जालां. बनावट आधार कार्ड तयार करपाच्या प्रकरणांत पुलिसांनी एके बायलेक अटक केल्या. सुरताच्या जिल्लो सत्र न्यायालयान हे ६३ वर्सां पिरायेचे बांगलादेशी बायलेक म्हयन्याची बंदखणीची ख्यास्त फर्मायल्या.
भारतीय नागरीकत्व मेळोवपा खातीर हे बायलेन आधार कार्ड तयार केलें. हे बायले आड केस नोंद जाल्ली. सूरत न्यायालयान आरोपी मल्लिका साकीन हिका १४ म्हयने खर कश्टांची ख्यास्त फर्मायल्या. ही बायल बांगलादेशांतल्या गोपालगंज जिल्ह्यांत रावपी. २०२० वर्सां सुरतांत रावपाक आयिल्ली.
फाटल्या मार्चांत तिका अटक केल्ली तेन्ना तिचे कडेन बांगलादेशाचो पासपोर्ट आशिल्लो. तो २८ सप्टेंबर २०२२ दिसा १० वर्सां खातीर जारी केल्लो. तिचे कडल्यान तिचो बांगलादेशी पासपोर्ट, आधार कार्ड आनी कोविड-१९ लसीकरण प्रमाणपत्रा सयत हेर कागदपत्रां जप्त केल्यांत. ३० ऑक्टोबर २०२२ ते १९ ऑक्टोबर २०२३ मेरेन बांगलादेशाचो अधिकृत व्हिसा पुलिसांक मेळ्ळा. ही बायले सुरत हांगा एकटीच रावताली. सध्या तिक सुरत सेंट्रल जेलींत दवरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
