भांगरभूंय | प्रतिनिधी
मुंबय, खबरां संस्था: व्हड पावसा सयत मुंबयकारांक आनीक एक धपको बसला. मुंबयंत सीएनजी, पीएनजीच्या दरांत वाड जाली. महानगर गॅस लिमिटेड कंपनीन सीएनजी आनी डोमेस्टीक पीएनजीचे दर वाडयल्यात आनी आयज मंगळारा सावन हे नवे दर लागू जातले. सीएनजी १.५० रुपया, जाल्यार पीएनजी १ रुपयांनी वाडला. सीएनजी, पीएनजीचें दर वाडल्यार गिरायकांक गाडी चलोवपा खातीर आनी रांदपा खातीर चड खर्च येतलो.
नव्या दरा प्रमाण मुंबयकारांक एक किलो सीएनजी खातीर ७५ रुपया आनी घरांतल्या पीएनजी खातीर ४८ रुपया फारीक करचे पडटले. पेट्रोल आनी डिझेलाच्या तुळेंत सीएनजीचो दर उणो आसलो तरी मुंबयंतल्यो जायत्यो टॅक्सी आनी रिक्शा सीएनजीचेर चलतात देखून हो प्रवास म्हारग पडपाची शक्यताय आसा. तशेंच पीएनजीचें दर वाडपाक लागून घरकान्नींचें म्हयन्यांचें बजेट कोसळूंक शकता. महानगर गॅस लिमिटेड कंपनीन सीएनजी आनी देशी पीएनजीचें दर वाडयलां आनी आयज मंगळारा सावन हे नवे दर लागू जातलें. सीएनजी देड रुपया म्हारग जालां, जाल्यार पीएनजी एक रुपया म्हारग जालां.
प्रवास म्हारग जावपाची शक्यताय
नव्या दरा प्रमाण मुंबयकारांक एक किलो सीएनजी खातीर ७५ रुपया आनी देशी पीएनजी खातीर ४८ रुपया फारीक करचे पडटले. पेट्रोल आनी डिझेलाचे तुळेंत सीएनजीचो दर उणो आसलो तरी मुंबयंतल्यो जायत्यो टॅक्सी आनी रिक्शा सीएनजीचेर चलतात म्हणून हो प्रवास म्हारग जावपाची शक्यताय आसा. आतां प्रवाशांचें भाडेंय वाडोवचें अशी मागणी रिक्शा चालक करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
