भांगरभूंय | प्रतिनिधी
नवी दिल्ली , खबरां संस्था: दर दिसा लाखांनी लोक रेलमार्गान प्रवास करतात. लांब अंतराचे रेल्वेंतल्यान प्रवास करपी प्रवाशांचो आंकडो चड आसता. भारतीय रेल्वे खाण आनी पर्यटन म्हामंडळ (आयआरसीटीसी) रेल्वेच्या राखून दवरिल्ल्या डब्यांनी जेवण आनी उदकाची सुविधा दिता. पूण आतां एक धक्को दिवपी घडणूक उजवाडाक आयल्या, रेल्वेंतल्यान प्रवास करपी एका प्रवाशाक ताच्या जेवणांत जल्लो सांपडलो. हे विशीं तांणी ट्विटराचेर ट्विट करून म्हायती दिल्या.
आयतारा (७ जुलय) मुंबयच्या छत्रपती शिवाजी महाराज टर्मिनसांतल्यान भायर सरपी मुंबय- दिल्ली राजधानी एक्स्प्रेसांतल्यान मेळिल्ल्या जेवणाची कागाळ एका प्रवाशान केल्या. प्रवाशान ट्विटराचेर कांय फोटो शेअर केल्यात. ह्या फोटोंत ताणें ऑर्डर केल्ल्या जेवणांत जल्लो मेळ्ळो हें कळटा. हे विशीं ताणें आपलो राग उक्तायला.
नेमकें प्रकरण कितें?
‘‘काल सीएसएमटी मुंबय-दिल्ली राजधानी एक्सप्रेसांत प्रवास करतना तिकेटी वांगडा जेवण बूक केल्लें. ह्या जेवणांत एक जल्लो आशिल्लो, वांगडा फोटो जोडला. कागाळ केल्या उपरांत मॅनेजर आयलो आनी तुका तिकेटीचे पयशे परत करतां अशें सांगलें. रिफंड हो पर्याय कित्याक? रेल्वे मंत्रालयान कंत्राटदाराक काडून उडोवचो’’ अशी मागणी प्रवाशान केल्या. हें जेवण खाल्लें जाल्यार वीख पोटांत वचपाचें. जायत्या जाणांच्या गेलांय आसतलें. परत केन्नाच आयआरसीटीसी कडल्यान जेवणाची ऑर्डर दिवचो ना.’’ अशें तांणी ट्विट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
