भांगरभूंय | प्रतिनिधी
सध्याचो वस्ताद कार्लोस अल्काराझान विम्बल्डनाचे क्वॉर्टरफायनलींत सुवात मेळयली. ताणें चवथे फेरयेंत संवसारीक क्रमवारींत 11वे सुवातेर आशिल्ल्या फ्रान्साच्या उगो हंबर्टाक 6-3, 1-6 आनी 7-5 अशा सरळ सेटांनी हारयलो.
मजगतीं, ग्रेगोर दिमित्रोव जखमी जाल्ल्यान डॅनिएल मेदवेदेव लेगीत क्वॉर्टरफायनलींत सुवात मेळोवपाक येसस्वी थारलो. दिमित्रोव पयल्या सेटांत 3-5च्या स्कोराचेर जखमी जालो.
मजगतीं, इटलीची जॅस्मीन पाओलिनीन क्वॉर्टरफायनलींत सुवात मेळयली. अमेरिकेचे मेडिसीन किजाक दुखापतीक लागून सर्तींतल्यान फाटीं सरपाचो निर्णय घेतलो. दुसरे मॅचींत अमेरिकेचे एम्मा नवारोन आपल्या देशाचे कोको गॉफाक 6-4 आनी 6-3 अशा सरळ सेटांनी हारयली. एम्मा पयले खेपे खंयचे ग्रॅण्ड स्लॅमाचे क्वॉर्टरफायनलींत पावल्या.
मरेची ग्रॅण्ड स्लॅम कारकीर्द सोंपली
अॅम्मा राडुकानू हिणें मिश्र गटांतल्यान फाटीं सरपाचो निर्णय घेतल्या उपरांत अॅण्डी मरेची विम्बल्डन कारकीर्द सोंपली. पॅरीस ऑलिम्पिका उपरांत आपूण निवृत्त जातलो अशें कांय दिसां पयलीं मरेन जाहीर केल्लें. तशेंच 2024चो हंगाम सोंपल्या उपरांत प्रॉफेशनल टॅनीस खेळचो ना अशें ताणें म्हणिल्लें. तो अमेरिकन ओपनांत लेगीत खेळचो ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
