भांगरभूंय | प्रतिनिधी
येरादारी उडीवाड्यावेल्या मार्गान वळयली
फोंडें, प्रतिनिधी: गांवकारवाडो- उसगांवां सांकवा लागसारचो रस्तो मुंगरिल्ल्यान ह्या मार्गावेली येरादारी उडीवाड्यावेल्या मार्गान वळयल्या. उपरांत तात्पुरतो रस्तो करपाचें काम बांदकाम खात्यान हातांत घेतलें. रस्तो मुंगरिल्ल्यान फोंडें- वाळपय मार्गावेले येरादारीचेर फुडले कांय दीस परिणाम जावपाी शक्यताय आसा.
सोमारा सकाळीं सुमार ७ वरांचेर अचकीतूच रस्तो मुंगरलो. ताका लागून येरादारीचेर परिणाम जालो. म्हायती मेळटांच पुलिसांनी येरादारी उडीवाडो हांगच्यान वळयल्या. मात अशीर रस्त्याक लागून खडी येरादारी करपी ट्रक उडीवाड्यावेल्या रस्त्याचेर मुंगरिल्ल्यान येरादारीचेर परत परिणाम जालो. येरादारी पुलिसांनी जेसीबीचे मजतीन ट्रक भायर काडलो. बांदकाम अभियंत्यांनी ह्या वाठारांत वचून पळोवणी केली. उपरांत तात्पुरतो रस्तो तयार करपाच्या कामाक सुरवात जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
