भांगरभूंय | प्रतिनिधी
फोंडें, प्रतिनिधी: शिग्नेव्हाळ – निरंकालच्या नारायण गांवकार हांच्या घरांत चोरी केल्ल्या प्रकरणांत दुबावीत गॅबी फर्नांडीस (२९, आंबे उदक – सांवड्डें) हाका फोंडें पुलिसांनी अटक केली. अटक केल्ल्या दुबाविताक न्यायालयान ३ दिसांचो रिमांड दिला. ह्या प्रकरणांत आनीक एका दुबाविताचो पुलीस सोद घेतात.
पुलिसांनी दिल्ले म्हायती प्रमाण, ८ जुनाक नारायण गांवकार हांच्या घरांत कोणूच नाशिल्ल्याचें पळोवन दुबावितांनी घरांतल्यो भांगरा वस्ती आनी रोख ५० हजार रुपया चोरून व्हेल्ले. सांजेवेळार घरांतलीं सगळीं परतल्या उपरांत चोरी जाल्ल्याचें कळ्ळें. उपरांत पुलीशेंत कागाळ केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
