भांगरभूंय | प्रतिनिधी
फोंडें, प्रतिनिधी: प्रभूनगर- कुट्टेच्या वासिम सांखळीपूर हांच्या घरांत चोर घुसून सुमार १ लाख १५ हजार रुपयांचो माल चोरलो. हातूंत १ लाख रुपयांच्यो ३ भांगराच्यो मुदयो जाल्यार रोख १५ हजार रुपया चोरले. फोंडें पुलिसांनी घडणुके सुवातेर वचून पंचनामो केलो.
मेळिल्ले म्हायती प्रमाण, आयतारा रातच्या सुमार २. ३० वरांचेर वासीम हांच्या घरांतलीं सगळीं न्हिदिल्लीं. सकाळीं ६ वरांचेर उठले उपरांत घरांत चोरी जाल्ल्याचें कळ्ळें. चोरी जाल्ल्याचें कळटांच तांणी फोंडें पुलिसांक हे विशीं म्हायती दिली.
आयतारा रातीं घसघश्यांनी पावस पडिल्ल्यान चोर चोरी करतना न्हिदिल्ल्या त्या कुटुंबाक आवाज येवंक ना. फोंडें पुलीस उपनिरीक्षक संकेत तळकार हांणी निरीक्षक तुषार लोटलीकार हांच्या मार्गदर्शना खाला पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.