भांगरभूंय | प्रतिनिधी
नवी दिल्ली, खबरां संस्था ः अन्न मिश्रणाच्या समस्यांक लागून दरेंकी चार मदले तीन म्हळ्यार 73 टक्के भारतीय स्नॅक्स विकतें घेवचे पयलीं ताच्या लेबलाचेर आशिल्ले अन्न घटक आनी पोशण मोल तपासतात. हाचे वयल्यान भारतीयां मदीं पुश्टीक स्नॅक्सविशींची आवड दिसून येता.
हेल्दी स्नॅकिंग रिपोर्ट 2024 प्रमाण, 10 भारतीयांतले 9 म्हळ्यार 93 टक्के लोक पारंपरीक नाश्त्या परस निरोगी नाश्तो पसंत करतात. आतां सुमार 60 टक्के भारतीय सैमीक, अॅडिटिव्ह मुक्त उत्पादनांचो पर्याय निवडतात. तातूंत नट्स, बीज आनी पुराय कड्डणां ह्या पोशण तत्वांचो आस्पाव जाता. हे विशीं केल्ल्या सर्वेक्षणात देशभरांतल्यान 6 हजारां परस चड लोकांनी वांटो घेतिल्लो. हाचेवयल्यान तांचें मत कळ्ळें. खाणां-जेवणाच्या वस्तूंचे दर चड आसात अशें 58 टक्के लोकांक दिसता आनी हीच मुखेल समस्या.
मखाने, ड्रायफ्रूट्स पोशक नाश्त्यां खातीर लोकप्रीय नाश्तो जालां आनी निरोगी नाश्ट्यां खातीर सुकीं फळां लोकप्रीय पर्याय जाल्यांत. सर्वेक्षणांतल्या 23-38 पिरायेच्या गटांतल्या लोकां मदीं 59 टक्के लोकांनी मखाने हो तांचो विश्वसनीय नाश्तो अशें सांगलें. जेन-झेड (22 वर्सां मेरेन) (49 टक्के) आनी जेन-एक्स (39-54 वर्सा मेरेन) (47 टक्के) हांणीय ताका पसंती दिल्या. 70 टक्के लोकांनी सांगलें की सांजवेळार नाश्त्याक च्या आनी कॉफी पियेवपाक तांकां आवडता.
आवडीची गोड चॉकलेट, आंबो दुसऱ्या क्रमांकाचेर
देशांतल्या सगळ्या पिरायेच्या लोकांक चॉकलेट आवडटा. जेन-झेडांतले 65 टक्के, मिलेनियल्स 63 टक्के, जेन-एक्स 46 टक्के आनी बूमरांतले 55-73 वर्सां पिरायेचे 40 लोक चॉकलेट पसंत करतात. 50 मिलेनियल, 41 टक्के जेन एक्स, 40 टक्के जेन-झी आनी 30 टक्के बूमर लोकांनी चॉकलेटी उपरांत आंब्याक आपले आवडीचें खाण अशें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
