भांगरभूंय | प्रतिनिधी
भोंवडी: दिसपट्टो कामावेलो ताण. बोरिंग प्रवास…हेर जापसालदारक्यांक लागून स्वताक वेळ दिवंक मेळना. पूण अशा लोकांनी आपल्या व्यस्त जिणेंतल्यान विसव घेवन भोंवपाक जाय. कांय जाणांक देशांतल्या सोबीत सुवातींनी भोंवपाक आवडटा. कांय जाणांक परदेशांतल्या भोंवडेची येवजण करपाक आवडटा. लोक लांब भोंवडेची येवजण करतात जाल्यार तांकां टूर पॅकेज घेवन भोंवपाक आवडटा. कारण हातूंत तुमकां प्रवासाक संबंदीत कसलीच तयारी करपाची गरज ना. फकत ट्रॅव्हल पॅकेज बुक करून बॅग पॅक करून भायर सरपाचें. हाचे उपरांत तुमची भोंवडेची तिकीट, रावपा खातीर हॉटेल, प्रवासाक कॅब आनी सगळ्या जेवण-खाणाची वेवस्था पॅकेजींत आस्पावल्ली आसता. लोकां मदली भोंवडेची आवड पळोवन भारतीय रेल्वे वेगवेगळ्यो पॅकेजीय तयार करता.
कन्याकुमारी आनी रामेश्वरम टूर पॅकेज
हें पॅकेज १३ जुलय सावन सुरू जाता. हें फकत एका दिसाचें टूर पॅकेज जावन आसा. ताचे उपरांत तुमी तिकेट बूक करपाक शकना.
हें पॅकेज १२ राती आनी १३ दिसां खातीर आसा.
पॅकेजींत तुमकां ट्रेन आनी बसींत प्रवास करपाची संद मेळटली. ट्रेनीन प्रवास सुरू जातलो, उपरांत प्रवासा खातीर बसीची सुविधा उपलब्ध जातली.
पॅकेज फी – तुमी 2AC कोच पॅकेज बूक केल्यार, दोन लोकां सयत प्रवास करपा खातीर दरेका व्यक्तीची पॅकेज फी ५४,२०० रुपया आसा.
स्लीपर कोचींतल्यान प्रवास करता जाल्यार, दरेका मनशाचें पॅकेज शुल्क २४,४५० रुपया आसा.
तुमी फकत २४,४५० रुपयांनी१३ दिसांचो प्रवास करपाक शकता.
पॅकेज फींत हॉटेल आनी जेवणाचो खर्च आस्पावला.
जम्मू- कटरा टूर पॅकेज
हें पॅकेज ३ राती आनी ४ दिसां खातीर आसा.
११ जुलयाक दिल्लीकच्यान पॅकेजची सुरुवात जातली.
तुमी ११ जुलय उपरांत विकेंडाक पॅकेज तिकीट बुक करपाक शकता.
पॅकेजींत ट्रेन आनी कॅबीन प्रवास आस्पाव आसतलो.
पॅकेज फी – दोन लोकां वांगडा प्रवास करपा खातीर दरेकल्याची पॅकेजी फी १३९२५ रुपया आसा.
हातूंत हॉटेल, तिकीट आनी जेवणाचो खर्च आस्पाव जाता.
तुमी भारतीय रेल्वेच्या वेबसायटी वयल्यान तिकेट बूक करपाक शकता.
चंदीगड, कुफरी आनी शिमला टूर पॅकेज
हें पॅकेज १२ जुलयाक लखनवच्यान लॉन्च जातलें.
उपरांत तुमी दर शुक्रारा पॅकेजी खातीर तिकीट बुक करपाक शकता.
पॅकेज ५ राती आनी ६ दिसां खातीर आसा.
हातूंत तुमकां ट्रेन आनी बसीन प्रवास करपाची संद मेळटली.
पॅकेज फी – दोन लोकां वांगडा प्रवास केल्यार दरेका व्यक्तीची पॅकेज फी २२०६० रुपया आसा.
पॅकेज फींत तुमकां ३ दिसां खातीर हॉटेल मेळटलें.
ह्या टुराच्यो तिकीटी बूक करपा खातीर https://www.irctctourism.com/tourpacakage_search?searchKey=&tagType=&travelType=&category= ह्या रेल्वेच्या लिंकाचेर क्लीक करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
