भांगरभूंय | प्रतिनिधी
नायजेरीयन बायलांचो शिंदळकी वेवसाय आडवचो: ग्रामस्थांची मागणी
हरमल, बातमीदार: हरमला पंचायत वाठारांतलें घराचें भाडें सुमार वीस वर्सां वाडूंक नाशिल्ल्याची टिप्पणी वर्सुकी अहवालांत केल्ल्यान निर्देशित केल्ले प्रमाण १० टक्के दरवाडीचो प्रस्ताव सर्वसंमतीन मंजूर केलो. मात खंयच्या कारणा खातीर ना हरकत दाखलो आडकून दवरलो हाची जाप दिवची, ना जाल्यार दाखले रोखडेच जारी करपाची मागणी ग्रामस्थांनी केली.
हरमल पंचायत सभाघरांत सरपंच रजनी इब्रामपूरकार हांचे अध्यक्षतेखाला ग्रामसभा घेतली. ह्या वेळार उपसरपंच अनुपमा मयेंकार, पंच सोनाली माजी, संतान फर्नांडीस, सुशांत गावडे, दिव्या गडेकार, गुणाजी ठाकूर, भिकाजी नायक आनी गटविकास खात्याच्या निरीक्षक करिश्मा दाभोलकार हाजीर आशिल्ली.
सचिव सुभाष कांबळी हांणी फाटले बसकेचो अहवाल सादर केलो. सरकारच्या परिपत्रका प्रमाण घराचें भाडें, वेवसायीक शुल्क तशेंच हेर गाजलींची म्हायती दिली. आदींची माहिती दिली. घराचें भाडें वाडोवपांत हरकत ना, मात ते पावतेक खंयच्याच कार्यालयांनी कायदेशीर आधार मानिना. मागीर शुल्क भरून कितें फायदो असो प्रस्न प्रजोय फर्नांडीस आनी नागरिकांनी केलो. मात उपरांत ह्या विशयाचेर चर्चा जावन नागरिकांनी १० टक्के वाड करपाक हरकत नाशिल्ल्याचें नागरीक आलेसीन रॉड्रिग्ज हांणी सांगलें आनी शुल्कवाड संमत केली.
पंचायत वाठारांत ’ना हरकत दाखलो’ दिवंक नाशिल्ल्यान महसूल बुडला. खंयच्याच अधिकार्यांनी बंद करपाचें फर्मान काडूनक ना, आसल्यार सादर करचें. ताका लागून ग्रामस्थांनी तिडक उक्तायली. मात वकिलां कडेन उलोवन,निर्णय घेवपाची तयारी आसा. पंचायत मंडळ, ग्रामस्थांच्या फटल्यान आसा. हाचेर बेगीनूच निर्णय घेवपाची जाप सरपंच रजनी इब्रामपूरकार हांणी दिले उपरांत ग्रामस्थांनी समाधान उक्तायलें.
हेडग्या गोरवांचो प्रस्न गाजलो
हेडग्या गोरवांचो प्रस्न ह्या वेळार बरोच गाजलो. पंचायत मंडळान सीकेरी गोशाळेशी सामंजस्य करार केल्ल्यान ताची कारवाय बंद आसा? असो प्रस्न आदले सरपंच रामचंद्र केरकार हांणी केलो. तेन्ना फाटल्या वर्सा हेडग्या गोरवांक उखल्लीं आनी ग्रामस्थांक त्रास सोंसचे पडिल्ले. अशी कागाळ आशिल्ल्यान तो प्रस्थाव भायर मारिल्लो. ग्रामस्थांक पयशे भरून तीं गोरवां शिकेरीच्या हाडचीं पडलीं. तााका लागून रस्त्या वयले अपघात आडावपा खातीर गोरवां विशीं खर पावलां उबारचीं अशें केरकार आनी बॉस्को फर्नांहीस हांणी सुचयलें.
पार्सेकारवाड्यावेल्या पुलाचो प्रस्न
पार्सेकारवाड्यावेल्या पुलाचो प्रस्न आदले सरपंच रामचंद्र केरकार हांणी विचारलो आनी ताची पळोवणी संबंदीत खात्यान केल्ल्याचें सरपंचांनी सांगलें. सभागृहाचें रंग काम, प्रसाधांकक्ष तशेंच हॉलांतल्या पांख्याची दुरुस्तीची मागणी तांणी केली.
गांवांतल्या गेस्ट हावजांचें सर्वेक्षण करून महसूल वाडोवपाची गरज आसा. ताका लागून सर्वेक्षण करचें अशें प्राजोय फर्नांडीस हांणी सांगलें.
मुखेल रस्त्यावेल्यो आडखळी
मुखेल रस्त्या वेलीं गटारां, आडकून उरपी उदक ह्या समस्ळांक लागून नागरिकांक त्रास सोंसचे पडिल्ल्यान पंचायतीन हाचे लक्ष दिवपाची मागणी सूचना संजय नायक हांणी केली.
पंचायत लुकसाणेंत आशिल्ल्यान दक्षता खात्या कडेन कागाळ करपाचो थाराव संमत केलो मात फाटलो इतिवृतांत नमूद करूंक नाशिल्ल्याचें ग्रामस्थ मार्सेलिन फर्नांडिस हांणी सांगलें. ताका लागून ह्या थारावचो परत इतिवृतांत दिवन दक्षता खात्याक धाडचो अशी मागणी सरपंच ईनासियो डिसोझा हांणी केली.
कोयराचें वेवस्थापन
कोयर वेवस्थापनाच्या दोग पदाधिकार्यांनी राजीनामो कित्याक दिलो ह्या प्रस्नाक जाप दितना तांची वैयक्तीक कारणां आसात अशें सचिवांनी सांगलें.मात पंचायत ग्रामसभेंत पंच वांगड्यांनी निवडलेल्या ग्रामस्थांतल्यान समिती निवडिल्ली. अंदूंच्यान ग्रामस्थांच्या सहकार्यान हाचे फुडें पंचायत मंडळ कोयर समस्या सांबाळटलें अशें सरपंच इब्रामपूरकार हांणी सांगलें. ह्या वेळार वर्सुकी अहवालाक मंजुरी दिली.
नायजेरीयन बायलांचो शिंदळकी वेवसाय आडायात
दर्यादेग वाठारांनी रातच्या आठ वरां उपरांत नायजेरीयन बायलांचो शिदळकी वेवसाय बरोच पातळ्ळा. हो आडावपाची मागणी नागरिक प्रमेश मयेंकार , बॉस्को फर्नांडिस हांणी केली. सदांच रातचीं झगडीं, मारपेट जायत आसता. हाका बंद हाडची. तशेंच ज्या गेस्ट हावजांत तीं रावतात ताची तपासणी करची आनी तांचेर दंडात्मक कारवाय करची, अशी मागणी नागरिकांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
