भांगरभूंय | प्रतिनिधी
आतां मेरेन 1,116 स्टार्टअप; आयटी, अन्न आनी पेय, पर्यटन मळार वाड
भांगरभूंय । समीप नार्वेंकार
पणजीः गोंयांत आतां मेरेन स्टार्टअपचो आकडो 1,166 मेरेन पावला. तातूंतले 497 स्टार्टअपांक उद्देग आनी आनी अंतर्गत व्यापार प्रोत्साहन विभाग (डीपीआयआयटी) हांणी मान्यताय दिल्या. गोंयच्या तरणाट्यांनी वट्ट 52 मळार आपले स्टार्टअप उद्देग सुरू केल्यात. सगळ्यांत चड 130 स्टार्टअप आयटी मळार आसात, अशी म्हायती केंद्रीय वाणिज्य मंत्रालयाच्या उद्देग प्रोत्साहन आनी अंतर्गत वेपार विभागान दिल्या.
जानेवारीचे सुरवेक गोंयात स्टार्टअपांचो आकडो 1,049 आसलो आनी 441 जाणांक डीपीआयआयटी मान्यताय मेळिल्ली. आतां 6 म्हयन्यां उपरांत गोंयांत 177 स्टार्टअपांनी वाड जाल्या आनी 56 स्टार्टअपांक डीपीआयआयटी मान्यताय मेळ्ळ्या.
ह्या स्टार्टअपमांतल्या 497 स्टार्टअपांक डीपीआयआयटी मान्यताय मेळ्ळ्या. तातूंत बायलांचो मोलांचो वांटो आसा. तातूंतले 230 स्टार्टअप बायलांनी सुरू केल्यात. जे स्टार्टअप बरी वाड करून चड रोजगार निर्मिती करता तांका ही मान्यताय मेळटा. ही मान्यताय मेळ्ळे उपरांत खूहश्यो सवलती स्टार्टअप इंडिया येवजणे खाला सरकार ह्या उद्देगांक दिता. देखीक रीण माफी, सुटसुटीत सरकारी वेव्हार, सरकारी टेंडरा खातीर प्रवेश, कर्मचाऱ्यांक स्टॉक दिवप हे सारकिल्ले फायदे तातूंत मेळटात. हातूंत सगळ्यांत चड आयटी मळा वयल्या 52 स्टार्टअपांक मान्यताय मेळ्ळ्या. अन्न आनी पेय मळा वयले 38, वेवसायीक आनी वाणिज्य सेवा मळा वयले 30, भलायकी मळा वयले 29 आनी पर्यटन मळा वयल्या 27 स्टार्टअपांक डीपीआयआयटी मान्यताय मेळ्ळ्या. सगळ्यांत चड स्टार्टअप गोंयच्या राजधानींत सुरू जाल्यात. पणजे शारांत 205, मडगांव शारांत 148, मुरगांव शारांत 76 आनी म्हापशें शारांत 60 स्टार्टअप आसात. उरिल्ले स्टार्टअप दक्षीण आनी उत्तर गोंयच्या हेर वाठारांनी आसात. गोंयच्या 52 वाठारांनी हे स्टार्टअप उबे रावल्यात सगळ्यांत चड 130 स्टार्टअप आयटी मळार आसात, दुसऱ्या नंबराचेर अन्न आनी पेय मळ आसा. तातूंत स्टार्टअपांची संख्या 85 आसा आनी तिसरे सुवातेर 72 स्टार्टअपां सयत पर्यटन मळ आसा. जाल्यार हेर मळार देखीक जायरात 37 स्टार्टअप, शेतकी 21, एआय 22, ओटोमोटिव्ह 22, बांदकाम 32, रचना 21, शिक्षण 22, अर्थीक तंत्रज्ञान 36, हरीत तंत्रज्ञान 20, भलायकी 68, मार्केटींग 33, वेवसायीक आनी वेपार सेवा 50, रिटेल 30, तंत्रज्ञानांत हार्डवेअर मळार 23 स्टार्टअप आसात. सगळ्यात उणें स्टार्टअप आशिल्लें मळ देखीक अंतराळ आनी संरक्षण मळार 9, वास्तुविशारद 17, ह्युमन रिसोर्स 13, इंटरनेट 17, मिडिया आनी मनरिजवण 18, इव्हेंट 19, फॅशन 18, एनलटीक्स 7, एनिमेशन 4, एआर-व्हीआर 6, कला आनी फोटोग्राफी 4, बायोटॅक्नोलोजी 5, रसायन 7, कंम्प्युटर व्हिजन 4, घरगुती सेवा 4, अपरंपरीक उर्जा 11, पोसपाचीं जनावरां 6, रिअल इस्टेट 15, अक्षय उर्जा 19, रोबोटिक्स 6, सुरक्षा 4, सुरक्षा उपाय 12, समाजीक प्रभाव 4, टॅलेकम्युनिकेशन आनी नॅटवर्कींग 10, कपडो 15, खेळ 4, खेळणी आनी गॅम्स 3, येरादारी आनी साठवण 17 आनी कोयर वेवस्थापन मळार 10 स्टार्टअप उबे जाल्यात.
सगळ्यांत चड स्टार्टअप आशिल्ले मळ
आयटी- 130
अन्न आनी पेय- 85
पर्यटन- 72
भलायकी- 68
वेवसायीक आनी वेपार सेवा- 50
अर्थीक तंत्रज्ञान- 36
मार्केटींग- 33
बांदकाम- 32
गोंया खातीर गॅम चॅन्जर थारपी स्टार्टअप
एआय- 22
अक्षय उर्जा- 19
अंतराळ आनी संरक्षण- 9
एनलटिक्स- 7
एआर-व्हीआर- 6
रोबोटिक्स- 6
बायोटॅक्नोलोजी- 5 एनिमेशन- 4
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
