भांगरभूंय | प्रतिनिधी
पणजी ः सत्तरींतल्या श्रीकांत (51) हांणी हालींच ताचो पूत सोमदत्त (21) हाका किडनी दान करून नवजीवन दिलां.
नेफ्रेक्टोमी (मूत्रपिंड काडप) आनी मूत्रपिंड प्रत्यारोपणाची दोनूय शस्त्रक्रिया 29 जूनाक ‘जीएमसींत’ जाल्यो. ही शस्त्रक्रिया 6 वरां मेरेन चलली. डॉ. जे. पी. तिवारी, डॉ. मधुमोहन प्रभुदेसाय आनी डॉ. शर्ली डिसोझा हांच्या फुडारपणा खाला नेफ्रोलॉजी, युरोलॉजी आनी अॅनेस्थेसिया ह्या विभागांतल्या तज्ञ दोतोरांनी ही शस्त्रक्रिया केली.
स्टेज 5 सीकेडी (Chronic Kidney Disease) जाल्ल्याचें निदान जाले उपरांत सोमदत्त हाका सप्तकांतल्यान तीन फावटीं डायलिसीस करचें पडटालें. सुमार स वरां सागिल्ल्या ह्या शस्त्रक्रियेचे उत्कृश्ट परिणाम मेळ्ळे. दुयेंतीचें मूत्रपिंड पयल्याच दिसा सावन काम करपाक लागलीं. शस्त्रक्रिया उपरांत बापूय आनी पूत दोगूय पुराय आहार घेतात आनी बरे तरेन तांच्यात सुदारणा जावपाक लागल्या. ही मूत्रपिंड दानाची प्रक्रिया जीमसींत पुरायपणान फुकट जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
