भांगरभूंय | प्रतिनिधी
सावयवेरें: गोंय विद्याप्रसारक मंडळाच्या कृष्णा रघुनाथ शेट्ये सावयकार हायस्कुलाचें हिरक महोत्सव मंडळ आनी आदले विद्यार्थी संघटणे वतीन सेगीत सवे फावटी खासदार म्हूण वेंचून येवन केंद्रीय मंत्रीपदार पाविल्ले श्रीपाद नायक हांचो भोवमान केलो. हो सुवाळो फोंडेंच्या राजीव गांधी कला मंदिरांत जालो.
ह्या भोवमान सुवाळ्याक गोंय विद्याप्रसारक मंडळाचे आमसभा अध्यक्ष- भास्कर खांडेपारकार, गोंय विद्याप्रसारक मंडळाचे कार्यकारी समितीचे अध्यक्ष- कृष्णा शेट्ये, उपाध्यक्ष- अशोक नागवेंकार, वांगडी- दीपक गांवकार, हायस्कुलाचे वेवस्थापक प्रभात शिकेरकार, वळवयचे सरपंच विनायक वेंगुर्लेकार, आदले विद्यार्थी संघटणेचे अध्यक्ष अॅड. रामकृष्ण नायक, मुख्याध्यापिका परपेचुआ फर्नांडीस आनी शर्मिला अभिषेकी हाजीर आशिल्ल्यो.
सुरवेक विद्यार्थी संघटणेचे अध्यक्ष अॅड. रामकृष्ण नायक हांणी येवकार आनी सत्कारमुर्तीची वळख करून दिली. गौरांग भांडये हांणी मानपत्राचें वाचन केलें. उपरांत भास्कार खांडेपारकार हांचे हस्तुकीं श्रीपाद नायक हांचो शाल, श्रीफळ, फुलांहार आनी मानपत्र दिवन भोवमान केलो.
ह्या वेळार श्रीपाद नायक हांणी मनोगत उक्तायलें. सुत्रसंचालन गीतेश वेरेंकार हांणी केलें जाल्यार शर्मिला अभिषेकी हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
