भांगरभूंय | प्रतिनिधी
नवी दिल्ली, खबरां संस्था: भारत हवामान खात्यान सांगिल्ले अदमासा प्रमाण कोंकण आनी गोंया खातीर ऑरेंज अलर्ट जारी केला. तेच प्रमाण जम्मू-काश्मीर, लद्दाख, हिमाचल प्रदेश, हरियाणा, चंडीगढ, पंजाब, उदेंत राजस्थान हांगा ८ जुलय मेरेन व्हड प्रमाणांत पावस पडपाची शक्यताय आसा.
जून म्हयन्याच्या मदीं मंद जाल्लो पावस जुलयांत पुराय बळग्यान परतून येतलो. आयएमडी म्हळ्यार भारतीय हवामान खात्याच्या ताज्या अदमासा प्रमाण फुडले ५ दीस व्हड प्रमाणांत पावस पडटलो. भारताच्या वायव्य आनी मध्य वाठारांनी व्हड पावस पडटलो अशी खबर आयल्या. वांगडा खर उश्णतायेक तोंड दिवपी उत्तर प्रदेशांतय ह्या सप्तकांत व्हड पावस पडपाची शक्यताय आसा. भारत हवामान खात्यान सांगिल्ल्या अदमासा प्रमाण कोंकण आनी गोंय खातीर ऑरेंज अलर्ट जारी केला. तेच प्रमाण जम्मू-काश्मीर, लदाख, गिलगिट, बाल्टीस्तान, मुजफ्फराबाद, हिमाचल प्रदेश, हरियाणा, चंडीगढ, पंजाब, उदेंत राजस्थान हांगा ८ जुलय मेरेन व्हड प्रमाणांत पावस पडुयें.
खंय नेटान पावस पडटलो?
८ जुलय मेरेन जम्मू- काश्मीर, लद्दाख, गिलगिट, बाल्टीस्तान, मुझफ्फराबाद, हिमाचल प्रदेश, हरियाणा, चंडीगढ, पंजाब, उदेंत राजस्थान हांगा ८ जुलय मेरेन व्हड प्रमाणांत पावस पडपाची शक्यताय आसा अशें हवामान खात्यान आयतारा सांगलें. मजगतीं, ५ जुलयाक अस्तंत मध्य प्रदेश, आयतारा उदेंत मध्य प्रदेश आनी झारखंडांत व्हड पावस पडूं येता. हांगा ८ जुलय मेरेन उत्तर प्रदेश आनी उत्तराखंडांत व्हड प्रमाणांत पावस पडपाची शक्यताय आसा.
८ जुलय मेरेन ओडिशाक व्हड प्रमाणांत पावस पडपाची शक्यताय आसा अशें आयएमडीन सांगलां. बिहार, नागालँड, मणिपूर, मिझोराम आनी त्रिपुरा हांगा ६ ते ८ जुलय ह्या काळांत अशें हवामान जावपाक शकता. आयतारा आनी शुक्रारा बिहारांत व्हड प्रमाणांत पावस पडूं येता. हाचे भायर ८ जुलय मेरेन ईशान्य भारतांतल्या चडशा राज्यांनी व्हड प्रमाणांत पावस पडपाची शक्यताय आसा.
केरळ, लक्षद्वीप, कर्नाटक दर्यादेग, कोंकण, गोंय, गुजरात फुडल्या पांच दिसांनी बारीक ते मध्यम पावस पडूं येता. तशेंच मध्य महाराष्ट्र, आंध्र प्रदेश, कर्नाटकांत पावस शिडशिडपाची शक्यताय आसा. तशेंच ह्या काळांत मराठवाडा, तामिळनाडू, पुद्दुचेरी, कराईकल, रायल सीमा, तेलंगणा हांगाय पावस शिंपडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
