भांगरभूंय | प्रतिनिधी
अमरावती, खबरां संस्था: वेगवेगळ्या मोबायल नंबरांतल्यान फोन करून शेअर मार्केट, क्रिप्टो चलनाच्या नांवान १.५ कोटी रुपयांची सायबर फटवणूक केल्ल्या आंतरराष्ट्रीय गटांतल्या ५ आरोपींक अटक केल्या. अमरावती सायबर पुलीस स्टेशनाचेर एका जोडप्यान कागाळ दाखल केली.
विवीध नंबरां वयल्यान कॉल करून तुमी ४ कोटी रुपया जोडल्या अशें सांगून ते पयशे काडपा खातीर टीडीएस आनी हेर कारणांनी वट्ट १ कोटी ५३ लाख ७७ हजार ८२४ रुपया हे टोळयेन ट्रान्सफर केले. परत परत पयशे मागूनय कसलीच जाप मेळूंक नाशिल्ल्यान आपल्याक फटयल्ल्याचें ह्या जोडप्याच्या लक्षांत आयलें. उपरांत तांणी अमरावती पुलीस स्टेशनाचेर हे विशीं २७ जुनाक कागाळ केली.
व्हडलें रॅकेट पुलिसांनी धरलो
हे फटवणुकेंत वेगवेगळ्या बँक खात्यांत कितले पयशे हस्तांतरीत जाले हाची चवकशी पुलिसांनी केली तेन्ना अमरावतीच्या एका चलयेच्या बँक खात्यांत ४२ लाख रुपया जमा जाल्ल्याचें लक्षांत आयलें. उपरांत तरणाटे चलयेची चवकशी जाली तेन्ना पुलिसांक सायबर चोरांचें व्हडलें रॅकेट सांपडलें. हे तरणाटे चलयेकूय पुलिसांनी अटक केली.
मालमत्ता जप्त
पुलिसांच्या तपासांत उक्तें जालें, अमरावतीचे हे तरणाटेक अकावंटा खातीर लागपी कागदपत्रां तयार करून अकावंट करून दिले. हे अकावंट गुन्यांवांतल्या मुखेल आरोपींक दिवन संबंदीत बँक अकावंटचे डिटेल्स आनी चेक बुक, एटीएम कार्ड वापरपाक दिले. अशा वट्ट पांच आरोपींक ताब्यांत घेवन तांचे कडल्यान विवीध बँकेचे अकावंटचे चेकबुक, एटीएम, सिमकार्ड, एसडी कार्ड, तशेंच मोबायल जप्त केल्यात.
या आरोपींनी ४२ लाख रुपया गुजरात कोटक महिंद्रा बँक, हैदराबाद बंधन बँक, फेडरल बँक गुजरात, पंजाब, कर्नाटक, तेलंगणा अशा १४ बँक अकाउंटांनी पयशेे ट्रान्सफर केल्या. जाल्यार हेर रक्कम वट्ट २१६ बँक अकावंटांनी ट्रान्सफर केल्या. आतां मेरेन ७ लाख ४५ हजार फ्रीज केल्ल्याची म्हायती पुलीस आयुक्त नविनचंद्र रेड्डी हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
