भांगरभूंय | प्रतिनिधी
प्राणी मित्रान सोरपाक व्हेलो धरून
फोंडें: खेडें-सावयवेऱ्यां सरकारी मुळावे शाळेंत काल (मंगळारा) वर्गांत सोरोप आयलो. वर्गांत सोरोप आयिल्ल्यान सगलींच भियेलीं. निमाणें प्राणी मित्राक हाडून सोरपाक धरून व्हेलो.
मेळिल्ले म्हायती प्रमाण खेडें वाठारांत रानां सारकी स्थिती आशिल्ले सरकारी मुळावे शाळेंत मंगळारा सकाळीं 11 वरांच्या सुमाराक सोरोप आयलो. सोरोप दिसतकूच शिक्षिकेन सगल्या विद्यार्थ्यांक वर्गा भायर काडले. उपरांत पालकां कडेन संपर्क सादलो. पालकांनी विद्यालया कुशीक वचून पळोवणी केले उपरांत प्राणी मित्राक म्हायती दिली.
कांय वेळान प्राणी मित्रान विद्यालयांत वचून सोरपाक धरलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
