भांगरभूंय | प्रतिनिधी
वीज मंत्री सुदिन ढवळीकार हांणी घेतली केंद्रीय मंत्री प्रल्हाद जोशी हांची भेट
पणजी, प्रतिनिधी : गोंयांत अक्षय उर्जा कितल्या प्रमाणात तयार करप शक्य आसा, हे विशीं दिल्लींत वीजमंत्री सुदिन ढवळीकार आनी केंद्रीय अक्षय उर्जा मंत्री प्रल्हाद जोशी हांचे मदीं चर्चा जाली. केंद्रीय अक्षय उर्जा मंत्री प्रल्हाद जोशी हांणी व्टिट करून ही म्हायती दिल्या.
गोंयांत अक्षय उर्जा तयार जाली जाल्यार अर्थवेवस्थेक उर्बा मेळटली. अक्षय उर्जा सयत इंधन निर्मिती आनी राज्याचे अर्थवेवस्थेक उर्बा दिवपी विशयांचेर चर्चा जाल्ल्याची म्हायती केंद्रीय मंत्री प्रल्हाद जोशी हांणी व्टिट करून दिल्या.
वीज मंत्री ढवळीकार हांणी दिल्लींत केंद्रीय अक्षय उर्जा मंत्री प्रल्हाद जोशी हांची भेट घेतली. प्रदुशण विरयत वीज निर्मिती प्रकल्पांक सरकार येवकार दितलें, अशें वीजमंत्री ढवळीकार हांणी पयलींच स्पश्ट केलां. केंद्रीय वीज राज्यमंत्री तशेंच उत्तर गोंयचे खासदार श्रीपाद नायक हांणीय गोंयांत वीज निर्मिती प्रकल्प हाडपाक यत्न करतलो, अशें आस्वासन दिलां.
राज्यांत विजेची निर्मिती जायना. विजे खातीर गोंय केंद्र तशेंच भायल्या राज्यांचेर निंबून आसा. हे फांटभूंयेर सौर उर्जा, पवनचक्कीच्या आदारान वीज निर्मिती करपाचे यत्न सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
