भांगरभूंय | प्रतिनिधी
व्हड अपघात जावपा पसून वाटवलो
फोंडें, प्रतिनिधी : पालवाडा -उसगांवां सरकारी विद्यालया मुखारच्या मुखेल रस्त्याचेर सोमारा सकाळीं झाड कोसळ्ळें. ह्या वेळार रस्त्यावेल्यान वचपी गाडी मात्शी वाटावल्ल्यान व्हड अपघात जावपा पसून वाटवलो. फोंडें उजो पालोवपी दळाच्या कर्मचार्यांनी येवन झाड कुशीक काडलें.
हे विशीं चड म्हायती प्रमाण, आयज सकाळीं एकोड्या रस्त्या कुशीक आशिल्लें झाड कोसळ्ळें. झाड पडटा तें दिसतकच त्या रस्त्यान वचपी गाडयेच्या ड्रायव्हरान वेळार ब्रेक मारिल्ल्यान तो वाटवलो. एकोडो मार्ग आशिल्ल्यान येरादारीचेर परिणाम दिसूंक ना. हे घडणुकेची म्हायती मेळटांच उजो पालोवपी दळाचे जवान थंय पावले. तांणी झाड कुशीक करून येरादारी सुरळीत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
