भांगरभूंय | प्रतिनिधी
वास्कोः वास्कोच्या सडा ते वरुणपुरी- मांगोरहील मेरेनच्या राष्ट्रीय म्हामार्गा कुशीचें पालसण कोसळ्ळें. ताका लागून थंयच्या क्रॅश बॅरियराचें कांय प्रमाणांत लुकसाण जालें. पालसाणेची माती, फातर रस्त्याचेर आयली. ह्या वाठारांत कोसळपी पालसणां आडावपा खातीर राखणे वणत बांदपाची गरज आसा, अशी मागणी वाहनचालकांनी उक्तायल्या. सडा ते वरुणपुरी- मांगोरहील ह्या मार्गान अवजड गाडयांची येरादारी चालू आसता. हो रस्तो मुरगांव बंदरा मेरेन गेला. ताका लागून गाडयांची येरादारी दीसरात चालू आसता. ह्या राष्ट्रीय म्हामार्गा वयल्या एका वाठारांत पालसण कोसळिल्ल्या पालसाणीची माती, फातर कुशीक काडल्या, पूण त्या मार्गान कोणे वच्चें न्हय हे खातीर थंय ट्रॅफीक कोन्स दवरल्यात. सकयले वटेंतले पालसण कोसळिल्ल्यान वयले वटेंतले फातर हाल्ल्यात आनी ते केन्नाय कोसळपाक शकतात. ते खातीर योग्य उपाय येवजण करपाची गरज आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
