भांगरभूंय | प्रतिनिधी
पर्यावरण संस्थेचें जनावरां आनी वनस्पत हांचेर निरिक्षण नोंद
लंडन, खबरां संस्था ः फाटल्या कांय दशकांत हवामानांतल्या बदला वांगडाच मुळाव्या साधनसुविधांचो विस्तार करपाचो मनशान केल्ल्या यत्नांक लागून संवसारभरांतल्या जनवरां आनी वनस्पतींच्या 45,000 वयर जातींचो नाश जावपाचो धोको निर्माण जाला. एका आंतरराश्ट्रीय पर्यावरण संघटनेन जनावर आनी वनस्पत हांचे निरिक्षण नोंद केला.
इंटरनॅशनल युनियन फॉर कन्झर्वेशन ऑफ नेचरान (आययूसीएन) बिरेस्तारा धोक्यांत आशिल्ल्या जातींची वळेरी जाहीर केली. हांतूत लुप्त जावपी जनावर आनी वनस्पत हांचे विशीं म्हायती आसता. हे वळेरेंत आतां 1,63,040 जातींचो आस्पाव आसा. हें वळेरेंत फाटल्या वर्साच्या तुळेंत सुमार स हजारांनी वाड जाल्या. आययूसीएनच्या मतान चिलींतल्या अटाकामा दर्यावेळेवयल्या वाळवंटांतल्या कोपियापोआ कॅक्टी, बोर्नियन हत्ती आनी ग्रॅन कॅनरिया महाकाय सरडे ह्या जातींक धोको निर्माण जाला.
‘कोपियापोआ कॅक्टी’ हे संकश्टांत आशिल्ल्या शोभेच्या वनस्पती संबंदीतय कांय निरिक्षणां नोंद जाल्यांत. ह्या वनस्पतीचो बेकायदेशीर वेपार चालू आसा आनी सोशल मिडिया वरवीं ताची प्रसिद्धी दितात अशें दिसून आयलां. हातूंतल्यो 82% जाती लुप्त जावपाची भिरांत आसात. 2013 वर्सा हो आंकडो 55 टक्के आशिल्लो अशें अहवालांत म्हणलां.
‘चिली कॅक्टी’ची मागणी
संस्थेच्या निरिक्षणां प्रमाण युरोप आनी आशियांत ‘चिली कॅक्टी’ ही एक शोभेची जात म्हणून मागणी आसा. अटाकामा वाठारांत रस्ते आनी घरांचो विस्तार जाल्ल्यान हो वनस्पत ना जावपाक लागला आनी ताचो वेपारूय वाडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
