भांगरभूंय | प्रतिनिधी
उटंगाराचो लाव घेवन चोरांचें कर्म
दिवचल : दिवचल पालिका वाठारांतल्या बोर्डे साश्टी वाडो लांब हांगां अनवळख्यांनी 25 ते 27 जून मजगतीं पांच देवळांची दारां मोडपाचो यत्न केल्लो, तशेंच दोन देवळांतली फंडपेटीय फोडपाचो यत्न केल्लो म्हूण गजाल भायर सरल्या. ह्या घडणुकांक लागून लोकांनी दिवचले रातीं पुलीस गस्त वाडोवची म्हूण मागणी केल्या. उटंगाराच्या पावसाचो लाव घेवन देवळां फोडपाचो यत्न जालां.
बोर्डे दिवचल हांगा रवळनाथ देवळाच्या दाराचें हॅण्डल मोडला. अशेंच हेर देवळांतूय जालां. तशेंच कांय दुकानांय फोडपाचो यत्न जाल्लो म्हूण म्हायती मेळ्ळ्या.
लामगांवच्या सातेरी देवळांतली फंड पेटी फोडली. पुंडलीक पाल आनी हेर देवस्थान समित्यांच्या पदाधिकाऱ्यांनी हे विशीं कागाळ दाखल केल्या. कांय देवळांतल्या सीसीटीव्ही फुटेजीचो आधार घेवन पुलीस तपास करतात. ही एक टोळी आसून पावस पडटाच ती कार्यरत जाता असो दुबाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
