भांगरभूंय | प्रतिनिधी
नवी दिल्ली, खबरां संस्था ः आतां स्पॅक्ट्रमची पावणी सोंपल्या उपरांत दूरसंचार कंपनी दर वाडोवपाची तयारी करता. तज्ञांच्या म्हणण्या प्रमाण, जुलय म्हयन्यांतल्यान मोल १५ ते २० टक्क्यांनी वाडूंक शकता, जाका लागून मोबायलाचो वापरप म्हारग जावंक शकता. टेलिकॉम कंपन्यो हेडलायन टॅरिफूय वाडोवपाक शकतात.
ही वाड प्रीपेड आनी पोस्टपेड ह्या दोनूय प्रकारांनी दिसतली. स्पॅक्ट्रमचे पावणे खातीर कंपनीन ११,३४० कोटी रुपया खर्च केल्यात. आतां तिका तो खर्च वसूल करचो पडटलो. हेडलायन टॅरिफ डिसेंबर २०२१ त निमाणें वाडिल्लें. तेन्ना सावन कंपन्यांनी फकत बेस पॅक वाडयिल्लें.
स्पेक्ट्रम पावणे खातीर सरकारान राखीव किंमत ९६,२३८ कोटी रुपया दवरिल्ली, मात दुसर्या दिसा पावणी सोंपले उपरांत सरकाराक फकत ११,३४०.७८ कोटी रुपयांची बोली मेळ्ळ्यो. तिनूय दूरसंचार कंपन्यांनी फकत १४१.४ मेगाहर्ट्झ स्पेक्ट्रम विकत घेतल्यात. मोबायल स्पेक्ट्रमाची पावणी मंगळारा सुरू जाली. बुधवारा सकाळीं १० वरांचेर पावणी सुरू जाली ती कांय वरांनी सोंपली. ह्या दोन दिसांचे पावणी प्रक्रियेंत स्पेक्ट्रम विकत घेवपाक भारती एअरटेल मुखार आसली. तांणी वट्ट ६,८५६.७६ कोटी रुपयांचे स्पेक्ट्रम विकत घेतले.
जाल्यार देशांतली सगळ्यांत व्हड टेलिकॉम कंपनी रिलायन्स जिओने ९७३.६२ कोटी रुपयांच्या स्पेक्ट्रमा खातीर बोली लायली. तर व्होडाफोन आयडियान सुमारे ३,५१०.४ कोटी रुपयांच्या स्पेक्ट्रम खातीर बोली लायली. ह्या स्पेक्ट्रम लिलावांतल्यान वट्ट ११,३४०.७८ कोटी रुपया सरकाराच्या खात्यांत आयल्यात. स्पेक्ट्रम लिलावांतल्यान सरकाराक ९६,२३८ कोटी रुपया मेळपाची अपेक्षा आशिल्ली, मात ती फकत १२ टक्केच मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
