भांगरभूंय | प्रतिनिधी
उत्पादनांची पुरवण करपाक उद्देजकांनी साथ दिवची
पणजी : गोंयांत ५१,७४५ सुक्षीम आनी ल्हान उद्देग (MSME) नोंद जाल्यात. गोंयच्या पर्यटन मळार जीं उत्पादनां जाय, तांची पुरवण एमएसएमई वरवीं करपाक शकतात. हाका व्हडल्या उद्देजकांनी साथ दिवची, असो उलो मुख्यमंत्री डॉ. प्रमोद सावंत हांणी उद्देग खात्या वतीन आयज संवसारीक सुक्षीम आनी ल्हान उद्देग दिसाचें आयोजन केल्ले कार्यावळी वेळार मारलो.
हे कार्यावळीक मुख्यमंत्र्या सयत माविन गुदिन्हो, गोंय उद्देगीक विकास महामंडळाचे अध्यक्ष तशेंच आमदार आलेक्स रेजिनाल्ड लॉरेन्स, खात्याची सचिव स्वेतिका सचान, हेर जेश्ठ अधिकारी तशेंच उद्देगीक मळावेल्यो संघटना, उद्देजक व्हडा प्रमाणांत हाजीर आशिल्ले. हे कार्यावळींत एमएसएमईत नवे उद्देग सुरू करपाक तीन नव्यो येवजण्यो सुरू केल्यात.
बायलांच्या स्वयंसाह्य गटां खातीर आयज जिल्हो पांवड्यार WEFC केंद्रां स्थापन केल्यां. गांवांत रावन आपलीं उत्पादनां खपोवपा वांगडा ह्या केंद्रां कडेन जोडून आपल्या ल्हान उद्देगांची उदरगत करून घेवची, असो उलो मुख्यमंत्री डॉ. सावंत हांणी मरलो.
ह्या वेळार मुख्यमंत्र्यान कांय मुद्दे मांडले
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
