भांगरभूंय | प्रतिनिधी
इन्व्हेस्टमेंट बँकिंग फर्म जेफरीजचो अहवाल
नवी दिल्ली, खबरां संस्था ः देशांत दर वर्सा व्हड प्रमाणांत लग्न जातात. भारतांत दर वर्सा लग्नांक कोटी रुपया खर्च जाता. देशांतले दरेक कुटुंब एका लग्नाक सरासरी 12 लाख रुपया खर्च करतात. हे विशीं इन्व्हेस्टमेंट बँकिंग फर्म जेफरीजच्या अहवालांत म्हायती दिल्या. भारतीय वेडिंग इंडस्ट्री आतां 130 अब्ज डॉलराची बाजारपेठ जाल्या. फुडाराक तांतूत आनीक वाड जावपाची शक्यताय उक्तायल्या.
इन्व्हेस्टमेंट बँकिंग फर्म जेफरीजच्या अहवाला प्रमाण भारतीय लग्न उद्देग अमेरिकेच्या दुप्पट आसा. भारतांत लग्नाक सरासरी 14,500 डॉलर वा 12 लाख खर्च येता असो जेफरीज हाचो अदमास आसा. भारतांत दर मनशाक मेळपी येणावळीचे 5 पट लग्नांचेर खर्च जाता. एक भारतीय जोडपें शिक्षणा परस लग्नाचेर दुप्पट खर्च करपाक लागला. दुसरे वटेन अमेरिकेंतल्या लग्नांनी जावपी खर्च हो शिक्षणाचेर जावपी खर्चाचो अर्दो खर्च.
देशांत दर वर्सा सुमार 1 कोटी लग्ना जातात
भारतांत सरासरी घरगुती उत्पन्न वर्साक चार लाख रुपया आसा. अशें आसून लेगीत तो आपल्या सरासरी उत्पन्नाच्या तीन पटींनी लग्नांक खर्च करता. खबरां प्रमाण भारतांत दर वर्सा 80 लाख ते एक कोटी लग्नां जातात. हो आंकडो पुराय संवसारांतलो सगळ्यांत चड आसा. लग्नाच्या सुवाळ्याक लागून भांगराच्यो वस्ती, कपडे, इव्हेंट मॅनेजमेंट, कॅटरिंग आनी मनरिजवण ह्या सारक्या वेवसायाकूय फायदे जातात. भारतांत लक्झरी लग्न सुवाळ्यांनी जावपी खर्च सरासरी परस खूब चड आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
