भांगरभूंय | प्रतिनिधी
दोनश्यां परस चड विध्यार्थ्यांनी घेतलो वांटो
फोंडें, प्रतिनिधी: फोंडेंच्या पुलिसांनी आंतरराष्ट्रीय घुवळे वखदां विरोधी दिसा निमतान शारांत मिरवणूक काडली. पुलिसां सयत हे मिरवणुकेंत सुमार २०० परस चड विवीध हायस्कुलांतल्या विध्यार्थ्यांनी वांटो घेतलो. तशेंच पुलिसां वतीन विद्यार्थ्यां खातीर विवीध सर्तींचें आयोजन केलां. मजगतीं, कुळे पुलिसांनी अंतरराष्ट्रीय घुवळे वदां दिसा निमतान बाजारांत मिरवणूक काडून लोकां मदीं जागृताय निर्माण केली.
वयलो बाजार, फोंडें ते क्रांती मैदाना मेरेन फोंडें पुलीस स्टेशनाचे निरीक्षक तुषार लोटलीकार हांच्या मार्गदर्शना खाला खास मिरवणूक काडली. फोंडें वाठारांतल्या विवीध हायस्कुलांच्या विद्यार्थ्यांनी हातूंत वांटो घेतलो. फोंडें पुलिसां वतीन विवीध हायस्कुलाच्या विद्यार्थ्यां खातीर ह्या वेळार खासा सर्ती घेतल्यो.
कुळें पुलीस स्टेशनाचे निरीक्षक सगूण सावंत हांच्या मार्गदर्शना खाला काडिल्ले मिरवाणुकेंत विध्यार्थी तशेंच पुलीस कर्मचार्यांनी वांटो घेतलो. तशेंच ह्या वाठारांतल्या विंगड विंगड हायस्कुलांतल्या विद्यार्थ्यां मदीं जागृताय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
