भांगरभूंय | प्रतिनिधी
मेटान आपलो एआय चॅटबॉट, मेटा एआय असिस्टंट भारतांत लाँच केलो. ह्या इंटेलिजन्स असिस्टंटचो वापर आतां वापरप्यांक व्हॉट्सॲप, फेसबूक, इंस्टाग्राम, मेसेंजर आनी मेटा एआयांत करुंक शकता. मेटा एआयचें अनावरण सुमार दोन म्हयन्यां आदीं जाल्लें. त्या वेळार हें तंत्रज्ञान फकत न्यूझीलंड, कॅनडा, ऑस्ट्रेलिया देशांनी उपलब्ध आशिल्लें. आतां तो भारतात लाँच जाला. मेटा लामा 3 चेर आदारीत हें तंत्रज्ञान आयज मेरेनचें सगळ्यांत प्रगत मॉडेल आसा. मेटा एआय हो एक इंटेलिजंट असिस्टंट आसून जो कॉम्प्लेक्स रिझनिंग, सुचोवण्यांक पाळो दिवप, कल्पना करप आनी ल्हान ल्हान समस्या सोडोवपाक सक्षम आसा. ही म्हायती ai.meta.com ह्या संकेतथळा वयल्यान मेळ्ळी.
वापरप्यांक मेटा एआय चो वापर फीड आनी चॅट्स खातीर करुं येता. तशेंच कामां पुराय करपाक, कंटेन्ट तयार करपाक आनी खोलायेन विशयांचे अभ्यास करपाक हे एआय वापरूं येतात. ज्या वापरप्यांक आपल्या संगणका वयल्यान मेटा एआयच्या आदारान कांय काम करपाक जाय तांणी meta.ai चेर भेट दिवची. मेटा एआय वापरप्यांक वेगवेगळ्या तरांनी मदत करूंक शकता. ई-मेल बरोवप, गणित सोडोवप, चित्रां तयार करप, रेसिपी सोदप अशीं जायतीं कामां हें तंत्रज्ञान सहजपणान करूंक शकता.
मेटा एआय व्हॉट्सअॅप, फेसबूक, इंस्टाग्राम, मेसेंजर आदी वेगवेगळ्या माध्यमां खातीर कसो वापरूं येता.
व्हॉट्सअॅपाचेर मेटा एआय कसो वापरचो?
० व्हॉट्सअॅपांतली खंयचीय चॅट उगडात.
० चॅट्स टॅबचेर आशिल्ल्या ‘मेटा एआय’ आयकॉनाचेर क्लिक करात.
० स्क्रीनीचेर दिसपी अटी वाचात आनी मान्य करात.
० मागीर एक प्रॉम्प्ट निवडात वा तुमचो स्वताचो मजकूर टायप करात.
० निमाणें प्रॉम्प्ट केल्लो मजकूर धाडचो.
इंस्टाग्रामांत मेटा एआय कसो वापरचो?
० इंस्टाग्रामांतली खंयचीय चॅट उगडात.
० आतां स्क्रीनाच्या सकयल आशिल्ल्या संदेश बॉक्साचेर क्लिक करात.
० तातूंत “@” एंटर करात आनी मागीर मेटा एआयचेर क्लिक करात.
० तुमचो प्रस्न वा मेटा एआय खातीर रिक्वेस्ट करात. मागीर तुमच्या संदेशा फुडें क्लिक करात.
० तुमचो प्रस्न आनी मेटा एआयचो प्रतिसाद चॅटांत संदेश म्हणून धाडटले.
फेसबूक मेसेंजर खातीर मेटा एआय कसो वापरचो?
० खंयचीय चॅट उगडात.
० टेक्स्ट बारांत @ टायप करून, मागीर मेटा एआयचेर क्लिक करात.
० मेटा एआयंत तुमचो संदेश बरोवचो.
० मेटा एआय तुमच्या प्रस्नाक जाप दितली आनी तो चॅटांत संदेश म्हणून धाडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
