पावसांत सांठयल्ले पदार्थ आनी ताचे फाटल्यो परंपरीक पद्धती

भांगरभूंय | प्रतिनिधी

पणजी : जून म्हयन्यांत दमट हवामान आशिल्लो पावस येता. मजगतीं, राज्यांतलें तापमान मात्शें २५ओ च्या सकयल वता, जाका लागून सगळे कडेन वोलसाण निर्माण जाता. ताका लागून जेवण सांठोवपाक खुबश्यो आडखळी येतात. ह्या आडखळीं वांगडा किडींचोय आसपाव आसता.

पावसांत सांठोवन दवरपी जिन्नस

वतांत सुकयल्ले आंबे – आंबो विवीध खावपाच्या जिन्नसांनी वापरतात. तो सांठोवन दवरप सामकें सोपें. फकत आंबो वापरून आमकां लोणचेंय करूं येता. तशेंच आंब्या सयत लिंबू, गाजर आनी मसालो घालूनय रुचीक लोणचें करूं येता. जायते थळावे लोक ‘मांगाद’ नांवाच्या आंब्याचो जाम लेगीत तयार करतात. सुकयल्ल्या आंब्याची कडी, आमटाण, भाजी आनी हेर जायते जिन्नस करूं येतात.

मिरसांगो – काणकोणच्या दोंगराळ वाठारांत (जीआई) भौगोलीक टॅग आशिल्ल्या ‘खोला’ नांवाच्या मिरसांगांची लागवड करतात. ह्यो मिरसांगो वतांत सुकयतात आनी उपरांत ताचो मिरसांगां पिठो करूं येता. उपरांत हो मिरसांगे पिठो तुमी तुमच्या जेवणांत वापरपाक शकतात.

भिण्णां – गोंयचे रांदचे कुडींतलो मुखेल पदार्थ म्हळ्यार भिण्णां. दाळ, कडयेंत वापरपी हो एक आंबट पदार्थ. हाचे जायते फायदेय आसात. गरमेंत ह्या भिण्णांच्यो साल वतांत सुकयतात. त्यो सुकोवन तातूंत मीठ घालतात. ताका आमी सोलां म्हणटात. सोलां वापरतना आमी चिंचूय पयारय म्हणून वापरतात.

खारें नुस्तें – पावसांत नुस्तेंमारीचेर बंदी आशिल्ल्यान ह्या दिसांनी ताज्जें नुस्तें मेळप कठीण जाता. नुस्तें खावपाची इत्सा पुराय करपाक बांगडो, बोंबील आनी सुंगटां सुकयतात. सुकयल्लें हें नुस्तें तिगोवन दवरपाक खारट करतात आनी ताज्या नुस्त्याचो पर्याय म्हणून ते लोणच्यांत, सालादांत आनी कडयेंत वापरतात. सुंगटां आनी नाल्ल एकठांय करून गोंयची ‘किस्मूर’ नांवाचा एक सुचीक जिन्नस तयार जाता. जो गोंयच्या जेवणांतलो एक फामाद जिन्नस जावन आसा.

शेफ पॉल फर्नांडीस