भांगरभूंय | प्रतिनिधी
नवी दिल्ली, खबरां संस्था : रेल्वेचे नोकरे खातीर तयारी करपी उमेदवारांक एक बरी खबर आसा. ईशान्य रेल्वेन अप्रेंटिस पदांची भरती करपा खातीर अर्ज मागयल्यात. इत्सूक उमेदवारांक अधिकृत वेबसायट ner.indianrailways.gov.in वरवीं ११ जुलय मेरेन ऑनलायन अर्ज करपाक मेळटलो. वट्ट ११०४ अप्रेंटिस पदां भरपा खातीर अर्ज मागयल्यात. ह्यो सगळ्यो रित्यो सुवातो ह्या विभागांतल्या वेगवेगळ्या खात्यांनी भरतले. फकत ऑनलायन अर्ज वैध आसतले, हें उमेदवारांनी लक्षांत घेवचें.
खंय कितलीं पदां?
मेकानिकल वर्कशॉप/ गोरखपूर : ४११ पदां
सिग्नल वर्कशॉप/ गोरखपूर कॅन्ट : ६३ पदां
ब्रिज वर्कशॉप/ गोरखपूर कॅन्ट : ३५ पदां
यांत्रिक कार्यशाळा/ इज्जतनगर: १५१ पदां
डिझेल शेड/ इज्जतनगर: ६० पदां
कॅरेज आनी वॅगन/ इल्लाजतनगर: ६४ जागा
कॅरेज आनी वॅगन/ लखनौ जंक्शन: १५५ पदां
डिझेल शेड/ गोंडा: ९० पदां
कॅरेज आनी वॅगन/ वाराणसी: ७५ पदां
अर्ज करपी उमेदवार ५० टक्के गूण घेवन १० वी पास जाल्ले आसूंक जाय. ते भायर संबंदीत श्रेणींत आयटीआय पदविका आसप गरजेचें. उमेदवाराची पिराय १२ जून २०२४ मेरेन १५ वर्सां परस उणी आनी २४ वर्सां परस चड आसूंक फावना. जंय अनुसूचीत जाती आनी अनुसूचीत जाती वर्गांत वयल्या पिराय मर्यादेंत ५ वर्सां आनी ओबीसी खातीर ३ वर्सां सूट दिल्या.
उमेदवारांक प्रक्रिया शुल्क म्हणून १०० रुपये भरचे पडटले. एससी/ एसटी/ पीडब्ल्यूडी (पीडब्ल्यूबीडी)/ बायलां उमेदवारांक प्रक्रिया शुल्क भरपा पसून सूट दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
