भांगरभूंय | प्रतिनिधी
मडगांव, प्रतिनिधी : फातोड्डें पुलिसांनी घुंवळे वखदां प्रकरणांत दोग दुबावितांक अटक केल्या. तांचे कडल्यान १.१० लाख रुपयांचो १.१६५ किलो गांजो जप्त केला.
मेळिल्ले म्हायती प्रमाण, पुलिसांनी शेनवारा ही कारवाय केली. फातोड्डें दुर्गा पेट्रोल पंपाच्या फाटल्यान सुमार साडेसात ते साडे धा वरांचेर ही कारवाय केली. ह्या वेळार दुबावीत अब्दुल नहीम (२८, रा. हुबळी, कर्नाटक) हाचे कडल्यान १ किलो १०५ ग्रॅम गांजो जप्त केल्यो जाल्यार दुबावीत इजाझ जावेद शेख (२२, रा. चंद्रवाडा, फातोड्डें) हाचे कडल्यान ६० ग्रॅम गांजो जप्त केलो. दोनूय दुबावितां कडल्यान मेळून १.१० लाख रुपयांचो गांजो जप्त केलो. अब्दुल नहीम आनी इजाझ शेख हांकां पुलिसांनी अटक केल्या. पुलीस निरीक्षक नाथन आल्मेदा हांच्या मार्गदर्शना खाला उपनिरीक्षक अमिन नायक फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
