भांगरभूंय | प्रतिनिधी
पणजी, बातमीदार ः गोंय इन्स्टिट्यूट ऑफ मॅनेजमेंट ऑफ बिग डेटा ॲनालिटिक्स विभागांत सहाय्यक प्राध्यापक प्रोफेसर पी. बालसुब्रमण्यम हांकां प्रतिश्ठीत ‘2024 पीआरएमइ फॅकल्टी टीचिंग’ पुरस्कार फावो जाला. ही कार्यावळ संयुक्त राष्ट्र संघटनाच्या मजतीन पीआरएमई ग्लोबल फोरमांत जातली.
एसजीडीएस आनी पीआरएमई तत्वांक मुखार व्हरपी अभिनव शिक्षणीक योगदानाचो हो पुरस्कार दिवन भोवमान करता. संयुक्त राष्ट्रांच्या शाश्वत उदरगत ध्येय मुखार व्हरपी आनी जबाबदार वेवस्थापन शिक्षणाच्या तत्वांकडेन जुळपी आनी प्रभावी शिक्षणीक योगदानाचो भोवमान करपी संवसारीक पांवड्यार मान्यताय मेळिल्ले पुरस्कार जैतिवंत प्रो. पी. बालसुब्रमण्यम हे अंदूं एकमेव भारतीय प्राध्यापक.
प्रो. पी. बालासुब्रमण्यम हांकां आयटी आनी उत्पादन मळार 20 वर्सांचो अणभव आसा आनी ताणें चार वर्सां शिक्षणीक मळार पुराय केलां. मशीन लर्निंग आनी आर्टिफिशियल इंटेलिजन्स (AI) तंत्र वापरून जायत्या प्रकल्पांचें फुडारपण ताणें येसस्वीपणान केलां.
2024 वर्साचो पीआरएमई फॅकल्टी टीचिंग पुरस्कार मेळप हो एक अविश्वसनीय भोवमान. हें येस म्हज्या सहकाऱ्यांक, विद्यार्थ्यांक आनी पुराय जीआयएम समाजाच्या सहकार्यांच्या यत्नांक प्रतिबिंबीत करता. आमी सगळे मेळून जबाबदार वेवस्थापन शिक्षण मुखार व्हरपाक आनी समाजाचेर सकारात्मक परिणाम करपाक बांदील आसात अशें प्रो. पी. बालसुब्रमण्यम हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
