भांगरभूंय | प्रतिनिधी
मडगांव, प्रतिनिधी ः चिंचणी- दांडेवाडो जंक्शनाचेर शेनवारा सकाळीं इनोवा मोटारीन दुचाकीक धपको दिल्ल्यान दुचाकी चलोवपी अल्बिना फर्नांडिस (42, वार्का) हिका मरण आयलें.
मेळिल्ले म्हायती प्रमाण, वेगान वचपी इनोवा मोटारीच्या ड्रायव्हराचो मोटारी वयलो ताबो गेलो आनी तिचो दुचाकीक धपको बसलो. हांतूत दुचाकी चलोवपी बायल गंभीर जखमी जाली. हॉस्पिटलांत व्हेली तेन्ना वैजकी अधिकाऱ्यांनी तिका मरण आयिल्ल्याचे जाहीर केलें. उपरांत कांय अंतर वचून रस्त्या कुशीक आशिल्ल्या खांब्याक मोटारीन धपको दिलो. दोनूय गाडयांचें व्हड प्रमाणांत लुकसाण जालां.
पुलीस निरिक्षक डायगो ग्रॅसियस हांच्या फुडारपणा खाला कुंकळ्ळें पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
